ശതകോടീശ്വരന് മുകേഷ് അംബാനിയും കുടുംബവും എപ്പോഴും ലൈംലൈറ്റില് തിളങ്ങി നില്ക്കുന്നവരാണ്. ഇവരുടെ അത്യാഡംബര വിവാഹാഘോഷങ്ങള് മുതല് കുടുംബത്തിലെ എന്ത് ചെറിയ ചടങ്ങുകളും സോഷ്യല് മീഡിയയില് നിറഞ്ഞു നില്ക്കുന്നതാണ്. അംബാനി കുടുംബം എന്ത് ചെയ്താലും അത് വാര്ത്തകളില് നിറയും.
ഇപ്പോഴിതാ കൊച്ചുമകൻ പൃഥ്വി അംബാനിയുടെ ക്ലാസ്മുറിയിലെത്തി നിതാ അംബാനിയുടെ ചിത്രങ്ങളാണ് സോഷ്യല് മീഡിയ ഏറ്റെടുക്കുന്നത്. മുകേഷ്-നിത ദമ്പതിമാരുടെ മൂത്തമകൻ ആകാശ് അംബാനിയുടെയും ശ്ലോക മെഹ്തയുടെയും മകനാണ് പൃഥ്വി. പൃഥ്വിക്കും മറ്റു കുഞ്ഞുങ്ങള്ക്കൊപ്പം സമയം ചിലവഴിച്ച നിത, അവർക്കായി പെപ്പാ പിഗ് വായിച്ചു കൊടുക്കുകയും ചെയ്യുന്ന ചിത്രങ്ങള് സോഷ്യല് മീഡിയയില് നിറയുകയാണ്. മുംബൈ ബാന്ദ്രയില് പ്രവർത്തിക്കുന്ന നിതാ മുകേഷ് അംബാനി ജൂനിയർ സ്കൂളില് (എൻ.എം.എ.ജെ.എസ്.) ആണ് പൃഥ്വി പഠിക്കുന്നത്.
ബോളിവുഡ് താരങ്ങളായ സെയ്ഫ് അലി ഖാന്റെയും കരീന കപൂറിന്റെയും മകൻ ജെഹാംഗിർ അലി ഖാൻ (ജെ) പൃഥ്വിയുടെ സഹപാഠിയാണ്. ജെയെയും ചിത്രത്തില് കാണാം.
ഒക്ടോബർ മൂന്നിനാണ് നിത അംബാനി സ്കൂളിലെത്തിയത്. കുട്ടികള്ക്കൊപ്പം സമയം ചിലവഴിക്കുന്ന നിതയുടെ ചിത്രങ്ങള് വൈറലാണ്. എൻ.എം.എ.ജെ.എസില് ഒന്നാം ക്ലാസ് മുതല് ഏഴാംക്ലാസ് വരെയാണുള്ളത്. എട്ടു മുതല് 12-ാം ക്ലാസ് വരെയുള്ള വിദ്യാർഥികള്ക്കായി ധീരുബായി അംബാനി ഇന്റർനാഷണല് സ്കൂളും അംബാനി കുടുംബത്തിന്റെ ഉടമസ്ഥതയിലാണുള്ളത്.
