ലണ്ടന്; ടെന്നീസ് ഇതിഹാസം റാഫേല് നദാല് വിരമിച്ചു. സോഷ്യല് മീഡിയയില് പങ്കുവച്ച വീഡിയോയിലൂടെയാണ് 38 കാരന് വിരമിക്കല് പ്രഖ്യാപനം അറിയിച്ചത്. 22 തവണ ഗ്രാന്ഡ് സ്ലാം ചാമ്പ്യനായ റാഫേല് വരുന്ന മാസം നടക്കുന്ന ഡേവിസ് കപ്പ് അവസാന മത്സരമായിരിക്കുമെന്നും അറിയിച്ചു.
''പ്രൊഫഷണല് ടെന്നിസില്നിന്ന് വിരമിക്കുന്ന കാര്യം നിങ്ങളെ അറിയിക്കാനാണ് എന്റെ ഈ വരവ്. കുറച്ചുകാലമായി വളരെയധികം ബുദ്ധിമുട്ടിയാണ് ഞാന് ടെന്നിസില് തുടരുന്നത്. പ്രത്യേകിച്ചും കഴിഞ്ഞ രണ്ടു വര്ഷം. പരിമിതികളില്ലാതെ കളിക്കാനാകുമെന്ന് ഞാന് ഒരു കാലത്തും പ്രതീക്ഷിച്ചിരുന്നില്ല, എന്റെ കരിയറില് ഉടനീളം നല്കിയ പിന്തുണയ്ക്ക് നന്ദി' താരം പറഞ്ഞു.
