മലയാള സിനിമ പ്രേക്ഷകരെ വ്യത്യസ്ത പരീക്ഷണങ്ങള് കൊണ്ട് കീഴടക്കിയ സൂപ്പര് സംവിധായകന് ലിജോ ജോസ് പല്ലിശ്ശേരി തന്റെ പുതിയ ചിത്രമായ 'അങ്കമാലി ഡയറീസു'മായി എത്തുകയാണ്. ആമേന്, ഡബിള് ബാരല് എന്നീ ഹിറ്റ് ചിത്രങ്ങള്ക്കു ശേഷം എത്തുന്ന അങ്കമാലിയിലും വന് പുതുമയാണ് ലിജോ കാഴ്ച വെയ്ക്കുന്നത്.
'കട്ടലോക്കല്' എന്ന ഹാഷ്ടാഗില് എത്തുന്ന ചിത്രത്തില്, നായകനും, നായികയും, വില്ലനും തുടങ്ങി പ്രധാനപ്പെട്ട 86 കഥാപാത്രങ്ങളും പുതുമുഖങ്ങള്. കട്ടലോക്കല് മാത്രമല്ല കട്ടകലിപ്പുമാണ് അങ്കമാലി എന്ന് ട്രെയിലറില് വ്യക്തം. ഫ്രൈഡേ ഫിലിംസാണ് ചിത്രം നിര്മ്മിക്കുന്നത്. അങ്കമാലി, ചാലക്കുടി, ആലുവ, ഇരിങ്ങാലക്കുട എന്നീ പ്രദേശങ്ങളില് നിന്നുള്ളവരാണ് താരങ്ങള്.
