തൃശൂര്; ഗുരുവായൂര് ക്ഷേത്രത്തില് നവരാത്രി പൂജവെയ്പ് ചടങ്ങുകല്ക്ക് ഭക്തിനിര്ഭരമായ തുടക്കം. ഞായറാഴ്ച്ച രാവിലെ 7 മുതല് വിദ്യാരംഭ ചടങ്ങുകള് തുടങ്ങും.
കൂത്തമ്പലത്തിലെ അലങ്കരിച്ച സരസ്വതി മണ്ഡപത്തില് ഗ്രന്ഥങ്ങള് പൂജവെച്ചു. ഗുരുവായൂരപ്പന്, സരസ്വതി ദേവി, ഗണപതി ചിത്രങ്ങള്ക്കു മുന്നില് കീഴ്ശാന്തിക്കാര് ദീപം തെളിയിച്ചു. ദീപാരാധനയ്ക്ക് ശേഷമായിരുന്നു പുസ്തകങ്ങളും കൃഷ്ണനാട്ടം കളരിയിലെ താളിയോല ഗ്രന്ഥങ്ങളും ആയുധങ്ങളും സ്വീകരിച്ച് പൂജവെയ്പ് ചടങ്ങുകള് ആരംഭിച്ചത്.
ഞായറാഴ്ച സരസ്വതി പൂജയും ശീവേലിയും പൂര്ത്തിയാകുന്നതോടെ വടക്കേ പത്തായപ്പുരയിലെ വിദ്യാരംഭം ഹാളിലേക്ക് ദേവീദേവന്മാരുടെ ചിത്രം എഴുന്നള്ളിക്കും. കീഴ്ശാന്തി ഇല്ലങ്ങളിലെ നമ്പൂതിരിമാര് ആചാര്യന്മാരായി രാവിലെ ഏഴു മുതല് എഴുത്തിനിരുത്തല് ചടങ്ങ് നടക്കും.
