കോട്ടയം; കാഞ്ഞിരപ്പള്ളിയില് നിര്മാണം പൂര്ത്തിയാവുന്ന സിപിഎം ഏരിയാ കമ്മിറ്റി ഓഫീസിന് അന്തരിച്ച നേതാവ് സീതറാം യെച്ചൂരിയുടെ പേരിടും. ഇത് സംസ്ഥാനത്ത് ആദ്യമായി ഉയരുന്ന യെച്ചൂരി സ്മാരക മന്ദിരമാകും. ഓഫീസിന്റെ ഉദ്ഘാടനം നവംബറില് സിപിഎം പി ബി അംഗവും മുഖ്യമന്ത്രിയുമായ പിണറായി വിജയന് നിര്വഹിക്കും.
കാഞ്ഞിരപ്പള്ളി കുരിശുകവല ജങ്ഷനിലാണ് ഓഡിറ്റോറിയത്തോട് കൂടിയ മൂന്ന് നില കെട്ടിടം വരുന്നത്. ഇതിന്റെ നിര്മാണം ഏതാണ്ട് പൂര്ത്തിയായി. ജില്ലയിലെ വലിയ ഏരിയാ കമ്മിറ്റികളിലൊന്നായ കാഞ്ഞിരപ്പള്ളിക്ക് കീഴില് 13 ലോക്കല് കമ്മിറ്റികളാണ് ഉള്ളത്.
നവംബര് 16, 17 തീയതികളില് നടക്കുന്ന സിപിഎം ഏരിയാ സമ്മേളനത്തിന് ശേഷം പുതിയ കെട്ടിടം ഉദ്ഘാടനം ചെയ്യും. മുഖ്യമന്ത്രിയുടെ തീയതി സ്ഥിരീകരിച്ചാല് ഔദ്യോഗിക പ്രഖ്യാപനം ഉണ്ടാകും. നിലവില് നവംബര് 26 ആണ് താത്കാലികമായി നിശ്ചയിച്ചത്.
