മിനി സ്ക്രീൻ രംഗത്തെ എവർഗ്രീൻ വില്ലത്തി എന്ന വിശേഷണം ഒരു സംശയം ഇല്ലാതെ ഇന്നും പ്രേക്ഷകർ കൊടുക്കുന്ന ഒരു ആളുണ്ട് അർച്ചന സുശീലൻ. പ്രേക്ഷകർക്ക് ഏറെ പ്രിയങ്കരി ആണ് അർച്ചന. നൃത്തവും അവതരണവും ഒക്കെ ആയി തിളങ്ങിയ അർച്ചന ഇന്ന് സമ്പൂർണ്ണ കുടുംബിനി ആണ്.
ആദ്യ വിവാഹം പരാജയം ആയിരുന്നു എങ്കിലും രോഹിത് നായരുമായുള്ള വിവാഹത്തോടെ സമ്പൂർണ്ണ കുടുംബിനി ആയി ജീവിതം ആസ്വദിക്കുകയാണ് അർച്ചന. യു എസ്സിൽ സെറ്റിൽഡ് ആയ മലയാളി ആണ് രോഹിത്.
കോവിഡ് കാലത്തായിരുന്നു അർച്ചനയ്ക്ക് വിവാഹം. മാട്രിമോണിയൽ സൈറ്റ് വഴി വന്ന ആലോചന ആണെങ്കിലും പരസ്പരം അടുത്തറിഞ്ഞ ശേഷം ആയിരുന്നു വിവാഹം.
അടുത്തിടെ ആണ് അർച്ചന അമ്മ ആയത്. 'അമ്മ ആയെങ്കിലും ഇന്നും പഴയ സൗന്ദര്യത്തിനു ഒരു കോട്ടവും വന്നിട്ടില്ല. സ്പൗന്ദര്യത്തിന് മാത്രമല്ല രോഹിതുമായുള്ള പ്രണയത്തിനും ഒരു കുറവുമില്ല.
ഭർത്താവിന് വേണ്ടി നോർത്ത് ഇന്ത്യൻ സ്ത്രീകൾ ആചരിക്കുന്ന ചടങ്ങാണ് കാർവാ ചൗത്ത്. ഭർത്താവിന്റെ ആയുരാരോഗ്യത്തിനും ഐശ്വര്യത്തിനും വേണ്ടിയാണു സ്ത്രീകൾ ഈ ചടങ്ങ് അനുഷ്ഠിക്കുന്നത്.
സൂര്യോദയം മുതൽ ചന്ദ്രോദയം വരെ ഉപവാസം അനുഷ്ഠിച്ചശേഷം സന്ധ്യക്ക് ഉദിച്ചുവരുന്ന ചന്ദ്രനെ കാണുന്നതും തുടർന്ന് ഭർത്താവ് നൽകുന്ന വെള്ളം കുടിച്ചുകൊണ്ട് ഉപവാസം അവസാനിപ്പിക്കുകയും ചെയ്യുന്നു.
മിക്ക ആചാരങ്ങളും അനുഷ്ടാനനങ്ങളും ഫോളോ ചെയ്യാറുണ്ട് അർച്ചന. മിക്ക വിശേഷങ്ങളും താരം പങ്കിടാറുമുണ്ട്.അമേരിക്കയിലായാലും സംസ്കാരം വിടാതെ ജീവിക്കുന്ന അർച്ചനയ്ക്ക് നിറഞ്ഞ കൈയ്യടിയാണ് ഇപ്പോൾ പ്രേക്ഷകർ നൽകുന്നത്.
