കൊച്ചി; അമ്മ മുന് ജനറല് സെക്രട്ടറി ഇടവേള ബാബുവിനെതിരെ എടുത്ത കേസ് താല്കാലികമായി സ്റ്റേ ചെയ്ത് ഹൈക്കോടതി. അമ്മ സംഘടനയില് അംഗത്വം വാഗ്ദാനം ചെയ്ത് ഫ്ലാറ്റിലേക്ക് വിളിച്ചുവരുത്തി മോശമായി പെരുമാറിയെന്ന ജൂനിയര് ആര്ട്ടിസ്റ്റിന്റെ പരാതിയില് കോഴിക്കോട് നടക്കാവ് പൊലീസാണ് കേസെടുത്തത്.
കേസ് റദ്ദാക്കണം എന്ന് ആവശ്യപ്പെട്ട് ഇടവേള ബാബു ഹൈക്കോടതിയെ സമീപിക്കുകയായിരുന്നു. കേസ് വീണ്ടും പരിഗണിക്കുന്ന നവംബര് 18 വരെയാണ് ജസ്റ്റിസ് എ.ബദറുദീന് സ്റ്റേ അനുവദിച്ചിരിക്കുന്നത്. ഹര്ജിയില് എതിര്കക്ഷിയായ ജൂനിയര് നടിക്ക് നോട്ടീസ് അയയ്ക്കാനും കോടതി നിര്ദേശിച്ചിട്ടുണ്ട്.
