തെന്നിന്ത്യയില് തിളങ്ങി നില്ക്കുന്ന താരറാണിയാണ് സമാന്ത റൂത്ത് പ്രഭു. അക്കിനേനി കുടുംബത്തില് നിന്നുള്ള അഭിനേതാവായ നാഗചൈതന്യയുമായിട്ടുള്ള സമാന്തയുടെ പ്രണയവും വിവാഹവും പിന്നീടുള്ള വിവാഹമോചനവുമെല്ലാം വാര്ത്തകളില് നിറഞ്ഞു നിന്നതാണ്. സാമാന്തയുടെയും നാഗചൈതന്യയുടെയും വിവാഹം തെന്നിന്ത്യൻ സിനിമ താരങ്ങള് ഏറെ ആഘോഷിച്ചതാണെങ്കില് ഇരുവരുടെയും വിവാഹ മോചന വാര്ത്തയും ആരാധകരെ കണ്ണീരിലാഴ്ത്തിയതുമാണ്. 2017ല് വിവാഹിതരായ സമാന്തയും നാഗചൈതന്യയും 2021 ലാണ് വിവാഹ മോചനം നേടിയത്.
ഇതിനു പിന്നാലെ ഇവരുടെ വിവാഹമോചനത്തിന്റെ കാരണങ്ങളടക്കം ചര്ച്ചകളിലും വിവാദങ്ങളിലും നിറഞ്ഞു. സമാന്ത വ്യക്തിജീവിതത്തില് തകര്ച്ചകള് നേരിട്ടെങ്കിലും കരിയറില് താരം തിളങ്ങി. ഇതിനിടയില് പുതിയ ജീവിതത്തിലേക്ക് ചുവടു വയ്ക്കുകയാണ് നാഗചൈതന്യ. അഭിനേത്രിയായ ശോഭിത ധൂളിപാലയുമായിട്ടുള്ള നാഗചൈതന്യയുടെ വിവാഹനിശ്ചയ ചിത്രങ്ങള് സോഷ്യല് മീഡിയയില് ഇടം നേടിയതാണ്.
ഇപ്പോഴിതാ വിവാഹത്തിനു മുന്നോടിയായി മുൻഭാര്യയായ സമാന്തയ്ക്കൊപ്പമുള്ള ചിത്രം താരം നീക്കിയിരിക്കുകയാണ് നാഗചൈതന്യ. സമാന്തയ്ക്കൊപ്പമുള്ള തന്റെ ഇന്സ്റ്റഗ്രാമിലെ അവസാന ചിത്രമാണ് നാഗചൈതന്യ നീക്കം ചെയ്തത്.
സമാന്തയുമായി ബന്ധപ്പെട്ട് മൂന്ന് പോസ്റ്റുകളായിരുന്നു നാഗചൈത്യയുടെ ഇൻസ്റ്റഗ്രാമിലുണ്ടായിരുന്നത്. അതിലാെന്ന് വിവാഹമോചനം പ്രഖ്യാപിച്ച കുറിപ്പായിരുന്നു. രണ്ടാമത്തേത് മജിലി എന്ന ചിത്രത്തിന്റെ പോസ്റ്റർ. ഇതില് ഇരുവരുമായിരുന്നു നായികയും നായകനുമായത്. മൂന്നാമത്തേത് ഒരു റേസിംഗ് പശ്ചാത്തലത്തിലുള്ള ചിത്രമായിരുന്നു. ചുവന്ന റേസ് കാറിന്റെ രണ്ട് ഡോറുകളുടെ വശങ്ങളിലായി ഇരുവരും നില്ക്കുന്ന ചിത്രത്തില് ‘ത്രോ ബാക്ക്...’ ‘മിസിസ് ആന്ഡ് ദി ഗേള്ഫ്രണ്ട്’ എന്ന കാപ്ഷനാണ് നല്കിയിരുന്നത്. ഈ ചിത്രമാണ് ഇപ്പോള് ഇൻസ്റ്റഗ്രാമില് നിന്ന് നീക്കിയത്.
ഏറെക്കാലത്തെ പ്രണയത്തിനൊടുവിലാണ് സമാന്ത-നാഗചൈതന്യ വിവാഹം ഗോവയില് നടന്നത്. ഇരുവരും വേർപിരിഞ്ഞതിന്റെ കാരണങ്ങള് ഇപ്പോഴും രണ്ടുപേരും വെളിപ്പെടുത്തിയിട്ടില്ല. ഔദ്യോഗികമായി ഇരുവരും ചേർന്നാണ് സോഷ്യല് മീഡിയയിലൂടെ വിവാഹമോചനപ്രഖ്യാപനവും നടത്തിയത്.
മലയാളം, ഹിന്ദി, തമിഴ്, തെലുങ്ക് തുടങ്ങിയ ഭാഷകളില് അഭിനയിച്ച് പ്രേക്ഷക മനസ്സില് സ്ഥാനം പിടിച്ച താരമായ ശോഭിത ധൂലിപാലയെയാണ് നാഗചൈതന്യ വിവാഹം കഴിക്കാനൊരുങ്ങുന്നത്. ഇവര് തമ്മിലുള്ള വിവാഹ നിശ്ചയം കഴിഞ്ഞതോടെ മുന്ഭാര്യയായിരുന്നു സമാന്തയ്ക്കൊപ്പമുള്ള മൂന്ന് പോസ്റ്റുകള് നാഗചൈതന്യയുടെ ഫീഡിലുണ്ടെന്നാണ് ആരാധകര് കണ്ടെത്തിയിരുന്നു.
നടി ശോഭിത ധൂലിപാലയുമായി നാഗചൈതന്യ ഡേറ്റിംഗ് ആരംഭിച്ചെങ്കിലും ആദ്യമൊക്കെ ഇവര് രണ്ടാളും ബന്ധം നിഷേധിച്ചിരുന്നു.
എന്നാല് അധികം വൈകാതെ ശോഭിത ധൂലിപാല-നാഗ ചൈതന്യ വിവാഹത്തിന്റെ ഒരുക്കങ്ങള് ആരംഭിച്ച ചിത്രങ്ങള് സോഷ്യല് മീഡിയയിലൂടെ ആരാധകര്ക്ക് മുന്നിലെത്തി. ഗോധുമ റായി പശുപൂ ആചാരത്തോടെ വിവാഹ ആഘോഷങ്ങള് ആരംഭിച്ചത്. തന്റെ ഗോധുമ റായി പശുപു ദഞ്ചത്തില് നിന്നുള്ള ഫോട്ടോകള് ഈ ഓഗസ്റ്റില് ശോഭിത സോഷ്യല് മീഡിയയിലൂടെ പങ്കുവച്ചിരുന്നു. ഉടനെ ഇരുവരും വിവാഹിതരാകും. തീയതി ഇതുവരെ പ്രഖ്യാപിച്ചിട്ടില്ലെങ്കിലും ചടങ്ങുകള് ആരംഭിച്ചിരുന്നു.
