പ്രിയപ്പെട്ടവന് പിറന്നാള്‍ ആശംസകളുമായി മാളവിക ജയറാം

ഏറെ ജനപ്രിയം നേടിയ കുടുംബമാണ് ജയറാമിന്റേതും പാര്‍വ്വതിയുടെയും. ജയറാമിനും പാര്‍വ്വതിയ്ക്കും കൊടുത്ത സ്‌നേഹം, മക്കള്‍ കാളിദാസിലേക്കും ചക്കിയിലേക്കും എത്തി. കാളിദാസ് ഇപ്പോള്‍ തമിഴ്, മലയാളം സിനിമകളില്‍ മികച്ച നടന്‍ എന്ന നിലയില്‍ വളര്‍ന്നുകൊണ്ടിരിയ്ക്കുകയാണ്. ചില പരസ്യങ്ങളില്‍ മാളവികയും അഭിനയിച്ചിരുന്നു. മാളവികയുടെ വിവാഹം കേരളക്കരയില്‍ വലിയ ചര്‍ച്ചയും ആയിരുന്നു.

ഇന്ന് മാളവികയുടെ ഭര്‍ത്താവ് നവനീത് ഗരീഷിന്റെ ജന്മദിനമാണ്. പ്രിയപ്പെട്ടവന് ജന്മദിനാശംസകള്‍ അറിയിച്ച് മാളവിക പങ്കുവച്ച ഇന്‍സ്റ്റഗ്രാം സ്‌റ്റോറിയാണ് ഇപ്പോള്‍ പ്രേക്ഷക ശ്രദ്ധ നേടുന്നത്. അതി മനോഹരമായ രണ്ട് ചിത്രങ്ങളാണ് സ്‌റ്റോറിയില്‍ മാളവിക പങ്കുവച്ചിരിയ്ക്കുന്നത്. എന്നെന്നും എന്റേത് മാത്രമായ ആള്‍ക്ക് ജന്മദിനാശംസകള്‍ എന്ന് പറഞ്ഞുകൊണ്ടാണ് മാളവിക സ്റ്റോറി പങ്കുവച്ചിരിയ്ക്കുന്നത്.

വിവാഹത്തിന് ശേഷം നവനീതിനൊപ്പമുള്ള ഫോട്ടോകളും വിശേഷങ്ങളും മാളവിക നിരന്തരം ഇന്‍സ്റ്റഗ്രാം സ്‌റ്റോറിയിലൂടെ പങ്കുവയ്ക്കുന്നുണ്ട്. ദിവസങ്ങള്‍ നീണ്ടു നിന്ന ചക്കി എന്ന മാളവികയുടെയും നവനീതിന്റെയും വിവാഹം സോഷ്യല്‍ മീഡിയയില്‍ വലിയൊരു ഉത്സവം തന്നെയായിരുന്നു.

പാലക്കാട്ടെ നെന്‍മാറയിലുള്ള കീഴെപ്പാട്ട് കുടുംബത്തിലെ ഗിരീഷ് മേനോന്റെ മകനാണ് നവനീത് ഗിരീഷ്. മുന്‍ യുഎന്‍ ഉദ്യോഗസ്ഥനാണ് ഗിരീഷ് മേനോന്‍. യുകെയിലെ ചാര്‍ട്ടഡ് എക്കൗണ്ടന്റ് നവനീതിനെ യുകെയില്‍ വച്ചാണ് മാളവിക കണ്ടതും പരിചയപ്പെട്ടതും പ്രണയത്തിലായതുമെല്ലാം. വിവാഹത്തിലേക്ക് കടന്നപ്പോള്‍ വീട്ടുകാര്‍ക്കും പൂര്‍ണ സമ്മതം ആയിരുന്നു. എനിക്ക് ഒരു മകന്‍ കൂടെ വന്നു എന്നാണ് വിവാഹ വേദിയില്‍ ജയറാം പറഞ്ഞത്. വിവാഹ ശേഷം മാളവികയും നവനീതിനൊപ്പം യുകെയിലേക്ക് പോയിരുന്നു

ഇനി ജയറാമിന്റെ കുടുംബത്തിലെ അടുത്ത വിവാഹത്തിനായി കാത്തിരിയ്ക്കുകയാണ് ആരാധകര്‍. മകന്‍ കാളിദാതിന്റെയും നടിയും മോഡലുമായ തരിണിയുടെയും വിവാഹം ഡിസംബറില്‍ ഉണ്ടാവും എന്നാണ് ജയറാം പറഞ്ഞിട്ടുള്ളത്‌.