ആലപ്പുഴ : ആലപ്പുഴയില് ഹൗസ് ബോട്ടിന് തീപിടിച്ചു. ആലപ്പുഴ പള്ളാത്തുരുത്തിയില് വിനോദ സഞ്ചാരികള് കയറിയിരുന്ന ലേക്ക് ഹോം എന്ന് ഹൗസ് ബോട്ടിനാണ് തീ പിടിച്ചത്.ആളപായമില്ല. തീപിടിത്തത്തിൽ ബോട്ട് പൂർണമായി കത്തിനശിച്ചു. ബോട്ടിലുണ്ടായിരുന്നവരെ സുരക്ഷിതമായി മാറ്റി.
സംഭവം നടക്കുമ്പോള് ആറ് ഉത്തരേന്ത്യൻ ടൂറിസ്റ്റുകളായിരുന്നു ബോട്ടിലുണ്ടായിരുന്നത്. കായലിലൂടെയുള്ള യാത്രക്കിടെ കരയോട് ചേര്ന്ന് ഹൗസ് ബോട്ട് കെട്ടിയിട്ടിരുന്നപ്പോഴാണ് തീപിടിത്തമുണ്ടായത്.ഇതിനാല് പുക ഉയര്ന്നപ്പോള് തന്നെ ബോട്ടിലുണ്ടായിരുന്നവരെ വേഗത്തില് പുറത്തെത്തിക്കാനായി.
നാട്ടുകാരും ഫയര്ഫോഴ്സും ചേര്ന്ന് തീയണച്ചു. ഷോര്ട്ട് സര്ക്യൂട്ടാണ് തീപിടിത്തത്തിന് കാരണണമെന്നാണ് പ്രാഥമിക നിഗമനം.
