മാസങ്ങള്ക്ക് മുന്പാണ് അദിതി റാവു ഹൈദൈരിയും സിദ്ധാര്ഥും തമ്മിലുള്ള വിവാഹം നടന്നത്. വളരെ സിപിളും സുന്ദരവുമായ വിവാഹത്തിന്റെ ചിത്രങ്ങള് സോഷ്യല് മീഡിയയില് വൈറലാവുകയും ചെയ്തു. ഇപ്പോഴിതാ വിവാഹ ചടങ്ങുകളിലെ ഏറ്റവും മനോഹരമായ ഏതാനും നിമിഷങ്ങളെ കുറിച്ച് പറഞ്ഞ് എത്തിയിരിക്കുകയാണ് താര ദമ്പതികള്.
വിവാഹച്ചടങ്ങുകള്ക്കിടയിലെ ചിത്രം എന്ന് പറഞ്ഞ് ഒരുകൂട്ടം ചിത്രങ്ങള് ഇരുവരും ഇന്സ്റ്റഗ്രാമിലൂടെ പങ്കുവച്ചു. ഇരുവരും പേപ്പറുകളില് ഒപ്പുവയ്ക്കുന്നതും, ചില സന്തോഷ നിമിഷങ്ങളും പങ്കുവച്ച ഫോട്ടോകളിലുണ്ട്. മണിരത്നം, സുഹാസിനി, കമല് ഹാസന് തുടങ്ങിയവരുടെ നിറഞ്ഞ സാന്നിധ്യവും ഫോട്ടോകളുടെ ആകര്ഷണമാണ്
'ഇത് അനുഗ്രഹവും മാന്ത്രികതയും നിറഞ്ഞ വര്ഷമാണ്. ഞങ്ങളുടെ വിവാഹ ചടങ്ങുകളിലെ വിശേഷപ്പെട്ട ഒരു ഭാഗത്ത്, അച്ഛനമ്മമാരെ പോലെ കാണുന്ന ഞങ്ങളുടെ ഗുരുക്കന്മാരുടെയും ഗുരുനാഥന്മാരുടെയും അനുഗ്രഹവും സ്നേഹവും ഞങ്ങള്ക്ക് ലഭിച്ചു. ഞങ്ങളുടെ വളര്ച്ച കാണുക എന്നതിനിപ്പുറം, വളര്ച്ചയ്ക്ക് കാരണമായ ഈ പ്രത്യേക വ്യക്തികളുടെ സാന്നിധ്യം ഞങ്ങളുടെ ജീവിതം ഒന്നുകൂടെ ബലപ്പെടുത്തി എന്നതിനപ്പുറമാണ്.
നന്ദി, ഞങ്ങളുടെ പ്രിയപ്പെട്ടവരോട്, മണി സാറിനും സുഹാസിനി മാമിനും, ലീല അക്കയ്ക്കും, കമല് സാറിനും രഞ്ജിനി അമ്മായിയ്ക്കും മണിയന് അമ്മാവനും സുധയ്ക്കും ജയേന്ദ്രനും നന്ദി. ഞങ്ങളുടെ കുടുംബം ഇനിയും പൂര്ണമായിട്ടില്ല. ഈ അവിസ്മരണീയമായ വര്ഷം അവസാനിക്കുന്നതിന് മുന്പ് ഇനിയും ഒരുപാട് മാന്ത്രികതയും സ്നേഹവും പങ്കിടാനുണ്ട്. അതുവരെ, മിസ്റ്റര് ആന്റ് മിസിസ് ആദു-സിദ്ധുവിന്റെ ദീപാവലി ആശംസകള്'- അദിതി റാവു ഹൈദാരി കുറിച്ചു.
ഇക്കഴിഞ്ഞ മാര്ച്ച് മാസത്തിലായിരുന്നു അദിതിയുടെയും സിദ്ധാര്ത്ഥിന്റെയും വിവാഹ നിശ്ചയം. സോഷ്യല് മീഡിയയിലൂടെ അദിതി തന്നെയാണ് അക്കാര്യവും അറിയിച്ചത്. സെപ്റ്റംബര് 16 ന് വളരെ ലളിതമായ, എന്നാല് ട്രഡീഷണലായ ചടങ്ങുകളിലൂടെ വിവാഹവും നടന്നു. ഇപ്പോള് വിവാഹ രജിസ്ട്രേഷന് കഴിഞ്ഞു എന്നാണ് റിപ്പോര്ട്ടുകള്.
