നര്ത്തകിയും അഭിനേത്രിയുമൊക്കെയായ താരാ കല്യാണിന്റെ മകള് എന്ന പേരിലാണ് സൗഭാഗ്യ വെങ്കിടേഷിനെ ആളുകള് അറിഞ്ഞു തുടങ്ങിയതെങ്കിലും സോഷ്യല് മീഡിയയില് ഒരു കാലത്ത് തിളങ്ങി നിന്ന താരമാണ് സൗഭാഗ്യ. അഭിനയമേഖലയില് സജീവമല്ലെങ്കിലും സൗഭാഗ്യയ്ക്ക് സീരിയല് രംഗത്തുള്ള ഒരുപാട് പേരുമായി സൗഹൃദമുണ്ട്.
കഴിഞ്ഞ ദിവസം അഭിനേതാക്കളായ ദിവ്യ ശ്രീധറും ക്രിസ് വേണുഗോപാലും ഗുരുവായൂരില് വച്ച് നടത്തിയ വിവാഹത്തിന്റെയും അതിനു പിന്നാലെ ബന്ധുക്കളെയും സുഹൃത്തുക്കളെയും ക്ഷണിച്ചുള്ള വിവാഹവിരുന്നും സംഘടിപ്പിച്ചപ്പോള് അതിലേറ്റവും തിളങ്ങിയത് സൗഭാഗ്യ വെങ്കിടേഷും കുടുംബവുമാണ്. ഭര്ത്താവിനും മകള്ക്കും ഒപ്പമാണ് സൗഭാഗ്യ ചടങ്ങിലേക്ക് എത്തിയത്. സൗഹൃദത്തിന്റെ പേരിലാണ് സൗഭാഗ്യയും കുടുംബവും എത്തിയതെന്ന് ചില ആരാധകരെങ്കിലും കരുതിയിരുന്നു.
എന്നാലിപ്പോഴിതാ കല്യാണ ചെക്കനായ ക്രിസ് വേണുഗോപാല് തന്റെ സഹോദരനാണെന്നും സൗഭാഗ്യ വെളിപ്പെടുത്തി. കഴിഞ്ഞ ദിവസങ്ങളില് ക്രിസും സൗഭാഗ്യയുടെ പിതാവും തമ്മില് എന്തോ ബന്ധമുണ്ടെന്ന തരത്തില് കഥകള് ഉണ്ടായിരുന്നു. ഒടുവില് അതെന്താണെന്നും താന് കണ്ണന് ചേട്ടന് എന്ന് വിളിക്കുന്ന ആളാണ് ഇതെന്നും സൗഭാഗ്യ പറഞ്ഞു.
‘‘കണ്ണന് ചേട്ടന് എന്റെ അച്ഛന്റെ സഹോദരിയുടെ മകനാണ്. എന്നെ എടുത്ത് വളര്ത്തിയ ചേട്ടന് തുല്യനായ ആളാണ്. നല്ല വൈബ് ഉള്ള ജീനിയസ് ആയിട്ടുള്ള ആളാണ് കണ്ണന് ചേട്ടന്. അദ്ദേഹത്തിന്റെ വിവാഹം കഴിഞ്ഞതില് ഒരുപാട് സന്തോഷമുണ്ട്. വളരെ സ്വീറ്റ് ആയിട്ടുള്ള ഒരാളാണ് ഞങ്ങളുടെ കുടുംബത്തിലേക്ക് കടന്നു വരുന്നതെന്ന് അതിലും സന്തോഷമുള്ള കാര്യമാണ്. ദിവ്യ ചേച്ചി വളരെ ഇന്നസെന്റും സ്വീറ്റുമായിട്ടുള്ള ആളാണ്.
കണ്ണൻ ചേട്ടൻ എന്റെ അച്ഛന്റെ സഹോദരിയുടെ മകനാണ്. എന്നെ എടുത്ത് വളർത്തിയ ചേട്ടന് തുല്യനായ ആളാണ്. നല്ല വൈബ് ഉള്ള ജീനിയസ് ആയിട്ടുള്ള ആളാണ്. കണ്ണന് ചേട്ടന് കസിന് ആണെങ്കിലും എന്നെക്കാള് നല്ല പ്രായവ്യത്യാസം ഉണ്ട്. സുഹൃത്തുക്കളെ പോലൊരു വൈബ് ഞങ്ങള് തമ്മിലില്ല. എന്നിരുന്നാലും സ്നേഹത്തിന് ഒരു കുറവുമില്ല. ഞാനും മകള് സുധാപ്പും തമ്മിലുള്ള പോലെ ആയിരുന്നു ചെറുപ്പത്തില് കണ്ണന് ചേട്ടനും ഞാനും തമ്മില്...
എന്റെ അച്ഛനുമായി കണ്ണന് ചേട്ടന് വലിയ പ്രായ വ്യത്യാസം ഇല്ലാത്തതുകൊണ്ട് തന്നെ അവര് തമ്മില് നല്ല കമ്പനിയായിരുന്നു. കണ്ണന് ചേട്ടനുമായി ഞാന് അത്ര കമ്പനി അല്ലെങ്കിലും അദ്ദേഹത്തിന്റെ അമ്മയുമായി നല്ല ബന്ധമാണ്. ഇവരുടെ വിവാഹം ഉണ്ടെന്ന് ഞാന് നേരത്തെ അറിഞ്ഞിരുന്നു. കേട്ടപ്പോള് സന്തോഷമാണ് തോന്നിയത്, നല്ല കാര്യമല്ലേ സംഭവിച്ചത്...’’ സൗഭാഗ്യ പറയുന്നു.
നിരവധി സീരിയലുകളിലും സിനിമകളിലും വേഷമിട്ട നടനാണ് ക്രിസ് വേണുഗോപാല്. സീരിയലുകളില് വില്ലത്തി ആയും ക്യാരക്ടർ വേഷങ്ങളിലും തിളങ്ങി നില്ക്കുന്ന നടിയാണ് ദിവ്യ ശ്രീധർ. പത്തരമാറ്റ് എന്ന സീരിയലില് ഇരുവരും ഒരുമിച്ച് വർക്ക് ചെയ്തിട്ടുണ്ട്.
ക്രിസ്സിന്റെയും ദിവ്യയുടെയും വിവാഹം കഴിഞ്ഞെന്ന വാര്ത്ത വന്നതോടെ ഇരുവരും സോഷ്യല് മീഡിയയിലൂടെ നിരവധി സൈബര് ആക്രമണങ്ങള് നേരിട്ടിരുന്നു. താരങ്ങളുടേത് രണ്ടാം വിവാഹമാണെന്നതും ഇരുവരും തമ്മില് വലിയ പ്രായവ്യത്യാസം ഉണ്ടെന്നും കരുതിയാണ് പലരും മോശമായ അഭിപ്രായങ്ങളുമായി എത്തിയത്. എന്നാല് തങ്ങളുടെ മുന്കാല ജീവിതത്തെക്കുറിച്ചും പ്രായത്തെക്കുറിച്ചുമൊക്കെ താരങ്ങള് പല അഭിമുഖങ്ങളിലൂടെയും വെളിപ്പെടുത്തി. ഇങ്ങനെ ഒരു ജീവിതം തെരഞ്ഞെടുത്തതിനെ പറ്റിയും ദിവ്യ സംസാരിച്ചിരുന്നു.
ഇപ്പോള് താരദമ്പതിമാര്ക്ക് പിന്തുണയുമായി സീരിയല് രംഗത്തുള്ള സുഹൃത്തുക്കളും എത്തിയിരിക്കുകയാണ്. അതുപോലെ തന്നെ താരദമ്പതിമാര്ക്ക് ആദ്യം വന്ന നെഗറ്റീവുകള് മാറിയിട്ടുണ്ട്. ഇരുവരെയും അനുകൂലിക്കുകയാണ് സോഷ്യല് മീഡിയ. ‘ഉപാധികള് ഒന്നുമില്ലാതെ പരസ്പരം സ്നേഹിക്കാന് അറിയാവുന്ന രണ്ടു മനുഷ്യര് ഒന്നിച്ചു ചേര്ന്നിരിക്കുന്നത് കാണാന് തന്നെ എന്ത് രസമാണ്, ഇവര് രണ്ടാളും മുന്നേ കല്യാണം കഴിഞ്ഞവര് ആയിരുന്നെങ്കിലും ഇപ്പോഴാണ് അന്ന് പലതിന്റെയും കുറവുകള് ഉണ്ടായിരുന്നു എന്ന് തിരിച്ചറിയുന്നത് എന്ന് തോന്നുന്നു. അവര്ക്കൊരു സ്നേഹമുള്ള ഇണയെ കിട്ടിയ സന്തോഷമാണ്. നമ്മള് വെറുതേ അവരതം പറഞ്ഞു കുറ്റപ്പെടുത്തരുത്. അവരുടെ പാട്ടിനു വിടുക’ എന്നതടക്കമാണ് കമന്റുകള്.
