പാലക്കാട് നവംബർ 23ന് വോട്ടെണ്ണുമ്പോൾ താൻ കരയുമെന്ന് പ്രതീക്ഷിക്കുന്നവർക്ക് മറുപടിയുമായി എൽഎഡിഎഫ് സ്ഥാനാർത്ഥി ഡോ പി സരിന്റെ ഭാര്യയും ഡോക്ടറുമായ സൗമ്യ സരിൻ. തെരഞ്ഞെടുപ്പാകുമ്പോൾ ഒരാൾ ജയിക്കും, മറ്റുള്ളവർ തോൽക്കും.
ജനങ്ങൾ തെരഞ്ഞെടുന്നവർ വിജയിക്കട്ടെ. അന്ന് തന്നെ കരയിപ്പിച്ചു കളയാമെന്ന് കരുതുന്നവരോട് സൌമ്യ സരിൻ പറയുന്നത് ഈ ചിരിയുടെ താക്കോൽ തന്റെ കയ്യിലാണെന്നാണ്.
എന്തെങ്കിലുമൊക്കെ ചെയ്യാനും ചിരിക്കാനുമൊക്കെ എന്ന് കരുതി ഭർത്താവ് എംഎൽഎയോ മന്ത്രിയോ ഒക്കെ ആയിട്ട് വേണമെന്ന് കാത്തിരിക്കുന്നവരോട് മതി ഈ വീരവാദമൊക്കെയെന്ന് സൌമ്യ പറയുന്നു. തനിക്ക് ചിരിക്കാൻ ഭർത്താവ് എന്തെങ്കിലും പദവികളിൽ എത്തണം എന്ന് ഒരു നിർബന്ധവും ഇല്ല. അതുകൊണ്ട് ഈ ചിരി ഇവിടെ തന്നെ കാണുമെന്ന് സൗമ്യ സരിൻ കൂട്ടിച്ചേര്ത്തു.
