വാഷിങ്ടന്: യു.എസ്. ജനപ്രതിനിധിസഭാ മുന് അംഗമായ തുള്സി ഗബാര്ഡ് നാഷനല് ഇന്റലിജന്സ് ഡയറക്ടറാകും. നിയുക്ത പ്രസിഡന്റ് ഡോണള്ഡ് ട്രംപാണ് ഇതു സംബന്ധിച്ച പ്രഖ്യാപനം നടത്തിയത്. ഡെമോക്രാറ്റിക് പാര്ട്ടി നേതാവായിരുന്ന തുള്സി ഇപ്പോള് ട്രംപിന്റെ വിശ്വസ്തരിലൊരാളാണ്. റിപ്പബ്ലിക്കന് അനുകൂല ചാനലായ ഫോക്സ് ന്യൂസിലെ അവതാരകന് പീറ്റ് ഹെഗ്സെത് പ്രതിരോധ സെക്രട്ടറിയാകും.
അറ്റോര്ണി ജനറലായി മാറ്റ് ഗെയ്റ്റ്സ്, സെന്ട്രല് ഇന്റലിജന്സ് ഏജന്സി (സിഐഎ) മേധാവിയായി ജോണ് റാറ്റ്ക്ലിഫ്, ഇസ്രയേലിലേക്കുള്ള അംബാസഡറായി അര്കെന്സ മുന് ഗവര്ണര് മൈക്ക് ഹക്കബി, പശ്ചിമേഷ്യ പ്രത്യേക പ്രതിനിധിയായി സ്റ്റീവന് വിറ്റേ്കാഫ്, ഹോംലാന്ഡ് സെക്യൂരിറ്റി സെക്രട്ടറിയായി സൗത്ത് ഡക്കോട്ട ഗവര്ണര് ക്രിസ്റ്റി നോം എന്നിവരുടെയും നിയമനം പ്രഖ്യാപിച്ചു.
അതേ സമയം, റിപ്പബ്ലിക്കന് പാര്ട്ടിയുടെ പൂര്ണ നിയന്ത്രണം പിടിച്ചെടുക്കാനുള്ള ട്രംപിന്റെ നീക്കത്തിനു തിരിച്ചടിയേറ്റു. യു.എസ്. സെനറ്റിലെ റിപ്പബ്ലിക്കന് കക്ഷിനേതാവായി സൗത്ത് ഡക്കോട്ടയില്നിന്നുള്ള സെനറ്റര് ജോണ് തൂന് തെരഞ്ഞെടുക്കപ്പെട്ടു. മത്സരരംഗത്തുണ്ടായിരുന്ന ട്രംപിന്റെ വിശ്വസ്തന് റിക്ക് സ്കോട്ട് രഹസ്യവോട്ടെടുപ്പിന്റെ ഒന്നാം റൗണ്ടില്ത്തന്നെ പുറത്തായി. നൂറംഗ സെനറ്റില് 52 സീറ്റുമായി റിപ്പബ്ലിക്കന് പാര്ട്ടിക്കാണു ഭൂരിപക്ഷം.
തന്റെ വിശ്വസ്തരെ മന്ത്രിസഭയില് ഉള്പ്പെടുത്തുന്നതിന്റെ ഭാഗമായാണു പരിചയസമ്പന്നരെ മറികടന്ന് തുള്സിയെ ദേശീയ ഇന്റലിജന്സ് ഡയറക്ടറായി ട്രംപ് തെരഞ്ഞെടുത്തത്. 2020ലെ പ്രസിഡന്റ് തിരഞ്ഞെുപ്പില് ട്രംപിന്റെ എതിരാളിയാകാനുള്ള മത്സരത്തില് തുള്സിയും രംഗത്തെത്തിയിരുന്നെങ്കിലും പിന്നീട് പിന്മാറി. 2022ല് ഡെമോക്രാറ്റിക് പാര്ട്ടി വിട്ട തുള്സി ഇത്തവണ പ്രസിഡന്റ് തിരഞ്ഞെുപ്പിനു മാസങ്ങള്ക്കു മുന്പ് ട്രംപിന് പിന്തുണ പ്രഖ്യാപിച്ചു. ട്രംപ് തന്റെ വൈസ് പ്രസിഡന്റ് സ്ഥാനാര്ഥിയാക്കാന് പരിഗണിച്ചവരില് 43 വയസുകാരിയായ തുള്സിയുമുണ്ടായിരുന്നു.
യു.എസ്. പാര്ലമെന്റിലെ, ഹിന്ദുമത വിശ്വാസിയായ ആദ്യ അംഗമാണു തുള്സി ഗബാര്ഡ്. ഹവായിയില്നിന്നുള്ള മുന് ജനപ്രതിനിധി സഭാംഗമാണ്. ഭഗവദ്ഗീതയില് തൊട്ടാണു സത്യപ്രതിജ്ഞ ചെയ്തത്. അമേരിക്കക്കാരിയാണെങ്കിലും അമ്മ ഹിന്ദുമത വിശ്വാസിയാണ്. തുള്സി അമേരിക്കന് സമോവന് വംശജയാണ്. അമേരിക്കക്കാരിയായ അമ്മ പിന്നീട് ഹിന്ദുമതം സ്വീകരിക്കുകയായിരുന്നു. തുള്സിയുടെ സഹോദരങ്ങള്ക്കും ഹിന്ദുപേരുകളാണ് നല്കിയത്. അതുകാരണം പലപ്പോഴും തുള്സി ഇന്ത്യന് വംശജയാണെന്നു തെറ്റിദ്ധരിക്കപ്പെടാറുണ്ട്.
അമേരിക്കയിലെ 18 രഹസ്യനേ്വഷണ ഏജന്സികളുടെ മേല്നോട്ടം തുള്സിക്കു ലഭിക്കും. 1981 ഏപ്രില് 12 ന് അമേരിക്കന് സമോവയിലെ ലെലോലോവയിലാണ് തുള്സി ജനിച്ചത്. രണ്ട് വയസുള്ളപ്പോള്, അവരുടെ കുടുംബം ഹവായിയില് സ്ഥിരതാമസമാക്കി. പിതാവ് മൈക്ക് ഗബ്ബാര്ഡ് റിപ്പബ്ലിക്കന് പാര്ട്ടി നേതാവായിരുന്നു. പിന്നീട് ഡെമോക്രാറ്റുകളിലേക്ക് അദ്ദേഹം മാറി. ഛായാഗ്രാഹകനായ എബ്രഹാം വില്യംസാണു തുള്സിയുടെ ഭര്ത്താവ്. 2020 ല്, പ്രസിഡന്റ് സ്ഥാനത്തേക്ക്ഡെമോക്രാറ്റിക് നാമനിര്ദേശം തേടി തുള്സി ശ്രദ്ധ പിടിച്ചുപറ്റി. വിദേശ സൈനിക സംഘട്ടനങ്ങളില് രാജ്യത്തിന്റെ ഇടപെടലിനെ അവര് എതിര്ത്തു.
