പാലക്കാടും ചേലക്കരയിലും ഇടതുമുന്നണി ചരിത്രവിജയം നേടുമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്. ഭൂരിപക്ഷ, ന്യൂനപക്ഷ, വര്ഗ്ഗീയവാദികള് എല്ഡിഎഫിന് എതിരേ നില്ക്കുകയാണെന്നും വയനാട്ടില് പാര്ട്ടി നില മെച്ചപ്പെടുത്തുമെന്നും പറഞ്ഞു.
ചേലക്കരയില് വിജയം ഉറപ്പാണെന്നും പാലക്കാട്ട് പാര്ട്ടി ചരിത്രവിജയം നേടുമെന്നും പറഞ്ഞു. പാലക്കാട് മൂന്നാം സ്ഥാനത്ത് നിന്നും പാര്ട്ടി ഒരുപാട് മുമ്പോട്ട് പോയി. എല്ഡിഎഫിനെതിരേ ന്യൂനപക്ഷ - ഭൂരിപക്ഷ വര്ഗ്ഗീയതകള് ഒരുപോലെ രംഗത്ത് വരുന്നതായും പറഞ്ഞു.
മുസ്ളീംലീഗ് വര്ഗ്ഗീയ ശക്തികളുടെ തടങ്കലില് ആണെന്നും പാണക്കാട് തങ്ങള്ക്കെതിരേയുള്ള നിലപാട് പാര്ട്ടി മുന്പ് എടുത്തതാണെന്നും പറഞ്ഞു. പാണക്കാട് തങ്ങള് രാഷ്ട്രീയപാര്ട്ടിയുടെ നേതാവ് വിമര്ശിക്കാന് പാടില്ലെന്ന വാദം അംഗീകരിക്കില്ല.
മുഖ്യമന്ത്രിയുടേത് തെറ്റായ പദപ്രയോഗമല്ല. നടത്തിയത് രാഷ്ട്രീയ വിമര്ശനമാണെന്നും പറഞ്ഞു. സന്ദീപ്വാര്യര് വര്ഗ്ഗീയപ്രചാരണം നടത്തിയയാള്. അദ്ദേഹം ആര്എസ്എസ് ബന്ധം വിട്ടെന്ന് പറഞ്ഞിട്ടില്ല. ബിജെപി ബന്ധം വിട്ടെന്ന് മാത്രമാണ് പറഞ്ഞിട്ടുള്ളത്.
തെരഞ്ഞെടുപ്പ് അട്ടിമറിക്കാനുള്ള നീക്കങ്ങളും നടന്നു. 2500 വ്യാജവോട്ടുകളാണ് പാലക്കാട് ചേര്ത്തത്. ഈ വോട്ടുകള് മുഴുവന് നീക്കണം. വ്യാജ ഐഡികാര്ഡ് ഉണ്ടാക്കിയയാളാണ് ഇതിനും നേതൃത്വം നല്കിയതെന്നും എം.വി. ഗോവിന്ദന് വാര്ത്താസമ്മേളനത്തില് പറഞ്ഞു.
