മലയാളത്തിന്റെ പ്രിയ നടനും സംവിധായകനും തിരക്കഥാകൃത്തുമായ ശ്രീനിവാസന്റെ മകന് എന്ന ലേബലിലാണ് ധ്യാന് ശ്രീനിവാസനെ പ്രേക്ഷകര് അറിഞ്ഞു തുടങ്ങിയതെങ്കിലും പിന്നീട് തന്റെ സിനിമകളിലൂടെയും സംവിധാനത്തിലൂടെയുമൊക്കെ ധ്യാന് തന്റേതായ ഐഡന്റിറ്റി പ്രേക്ഷകര്ക്കിടയില് സൃഷ്ടിച്ചെടുത്തു. വര്ഷത്തില് ഒരുപാട് സിനിമകളില് താരം അഭിനയിക്കാറുണ്ടെങ്കിലും ചിലതൊക്കെ പരാജയപ്പെടാറുമുണ്ട്. സിനിമകളേക്കാളേറെ അഭിമുഖങ്ങളിലൂടെയാണ് താരം പ്രേക്ഷകര്ക്ക് കൂടുതല് പ്രിയങ്കരനായത്.
ഇപ്പോഴിതാ തന്റെ പുതിയ സിനിമയായ ഐഡിയുടെ പ്രൊമോഷനില് ധ്യാന് പറയുന്ന വാക്കുകളാണ് ആരാധകര് ഏറ്റെടുക്കുന്നത്.
പെൺകുട്ടിക്ക് 5000 രൂപ കൊടുത്തിട്ടും കാര്യം നടക്കാതെ പറ്റിക്കപ്പെട്ടപ്പോൾ അത് സിനിമ ആക്കിയതാണ് ഈ ഡയറക്ടര് എന്നാണ് ധ്യാന് സിനിമയെക്കുറിച്ച് പറയുന്നത്.
‘‘സത്യത്തില് ഒരു അവര്നെസ്സ് കൂടിയാണ് ഈ സിനിമ. ഇതിന്റെ ഡയറക്ടര് അരുണ് ഒരു പേജില് ഒരു പെണ്കുട്ടിയുടെ ചിത്രങ്ങള് കാണുകയും പിന്നീട് ഇബോക്സില് മെസേജ് അയയ്ക്കുകയും ആ കുട്ടി സിനിമയില് അഭിനയിക്കാന് അവല്ലെബിള് ആണോയെന്ന് ചോദിക്കുകയും ചെയ്തു. ആണെന്ന് അറിഞ്ഞപ്പോള് എറണാകുളം നോര്ത്തില് വച്ച് ആ കുട്ടിയെ കാണുകയും ചെയ്തു. അങ്ങനെ 5000 രൂപ അഡ്വാന്സ് പോലെ കൊടുക്കുകയും ചെയ്തു. കാര്യം നടക്കാതെ അരുണ് പറ്റിക്കപ്പെട്ടു. അങ്ങനെയത് സിനിമ ആക്കി ഇറക്കി ആഞ്ഞടിച്ചതാണ്. സ്വന്തം അനുഭവത്തില് നിന്നുള്ള സിനിമയാണിത്. ഇപ്പോഴും ആ 5000 രൂപ പോയതിന്റെ വിഷമം ഉണ്ട്. ആ വേദനയോര്ത്ത് സംവിധായകന് ഇറക്കിയ സിനിമയാണ്....’’ ചിരിയോടെ ധ്യാന് പറയുന്നു.
നവാഗത സംവിധായകനും തിരക്കഥാകൃത്തുമായ അരുൺ ശിവവിലാസം സംവിധാനം ചെയ്യുന്ന ഐഡിയിൽ വിവാഹിതരായ ദമ്പതികളെ അവതരിപ്പിക്കുന്നത് ധ്യാൻ ശ്രീനിവാസനും ദിവ്യാ പിള്ളയുമാണ്
രസകരമായ ഒരു പോസ്റ്റർ പുറത്തിറക്കിയ ദിവസം ചിത്രത്തെക്കുറിച്ച് സംസാരിക്കുമ്പോൾ അരുൺ പറഞ്ഞത്, “ഒരു യഥാർത്ഥ കഥയെ അടിസ്ഥാനമാക്കി, ദമ്പതികൾ കടന്നുപോകുന്ന ബുദ്ധിമുട്ടുള്ള ഒരു സാഹചര്യത്തെക്കുറിച്ചാണ് ഇത് പറയുന്നത്. വിഷമകരമായ സാഹചര്യത്തിൽ ഭാര്യയെ പിന്തുണയ്ക്കാൻ എത്ര ദൂരം പോകണമെന്ന് ഭർത്താവ് തീരുമാനിക്കുന്നതാണ് കഥ...’’എന്നാണ്.
