മലയാള സിനിമയില് മാത്രമല്ല തെന്നിന്ത്യയിലും തിളങ്ങി നില്ക്കുന്ന താരമാണ് നസ്റിയ നസീം. അവതാരകയായി ചെറുപ്പത്തില് തന്നെ ആരാധകരുടെ മനസ്സ് കവര്ന്ന താരം പിന്നീട് ബാലതാരമായും അതിനു ശേഷം നിറയെ ആരാധകരുള്ള നായികയായും വെള്ളിത്തിരയില് തിളങ്ങി. മലയാളത്തിന്റെ പ്രിയ താരം ഫഹദ് ഫസിലിനെ വിവാഹം ചെയ്ത താരം ചെറിയൊരു ഇടവേളയെടുത്ത ശേഷമാണ് മലയാള സിനിമയിലേക്ക് തിരിച്ചു വന്നത്.
ബേസില് ജോസഫ് നായകനായി എത്തുന്ന സൂക്ഷ്മദർശിനി എന്ന ചിത്രമാണ് നസ്റിയുടേതായി പ്രേക്ഷകര് കാത്തിരിക്കുന്ന അടുത്ത ഹിറ്റ് ചിത്രം. ഈ ചിത്രത്തിലെ താരത്തിന്റെ കഥാപാത്രം വ്യക്തമാക്കി തരുന്നതായിരുന്നു ഇക്കഴിഞ്ഞ ദിവസം റിലീസ് ചെയ്ത സിനിമയിലെ ഗാനം. ഏറെ ശ്രദ്ധിക്കപ്പെട്ട ഗാനത്തിനും നിരവധി ആരാധകരെ നേടാന് കഴിഞ്ഞു. പ്രൊമോഷന്റെ ഭാഗമായിട്ടുള്ള ബേസിലിന്റെയും നസ്രിയയുടെയും വീഡിയോകളും സോഷ്യല് മീഡിയയിലൂടെ ഏറെ ശ്രദ്ധിക്കപ്പെടുന്നുണ്ട്. കഴിഞ്ഞ ദിവസം പേളി മാണിയുടെ യൂട്യൂബ് ചാനലിലും ഇരുവരും അതിഥികളായി എത്തിയിരുന്നു.
ഇപ്പോഴിതാ അതിനു ശേഷം പേര്ളി മാണി കഴിഞ്ഞ ദിവസം സോഷ്യല് മീഡിയയില് പങ്കുവെച്ച ഒരു ചിത്രമാണ് ശ്രദ്ധ നേടുന്നത്. മകള് നിലയും നസ്രിയയും ഒരുമിച്ച് ഇരിക്കുന്ന ചിത്രമാണ് പേര്ളി പങ്കിട്ടത്. ‘‘എന്റെ ക്ലാസ് മേറ്റ്. നാച്ചു പപ്പാ...’’ എന്ന ക്യാപ്ഷനും നല്കിയാണ് നില ശ്രീനിഷ് എന്ന ഇന്സ്റ്റഗ്രാം പേജിലൂടെ ചിത്രം പങ്കിട്ടിരിക്കുന്നത്. ചിത്രത്തിനു താഴെ സൂപ്പര് ക്യൂട്ട്, രണ്ട് ക്യൂട്ടികള് എന്നാണ് പല ആരാധകരും കുറിച്ചിരിക്കുന്നത്.
നസ്രിയയ്ക്ക് പൊതുവേ ഒരു ക്യൂട്ട് ഇമേജ് ആണുള്ളത്. പ്രായം എത്രയായാലും നസ്രിയ മലയാളികള്ക്ക് ക്യൂട്ട് ആയിട്ടുള്ള താരം തന്നെയാണ്. അങ്ങനെയൊരു ഇഷ്ടം നസ്രിയയോട് പ്രേക്ഷകർക്ക് എപ്പോഴുമുണ്ട്. നസ്റിയുടെയും നിലയുടെയും ചിത്രങ്ങള് കണ്ട ആരാണ് ഇതില് കൂടുതല് ക്യൂട്ട് എന്ന് മനസ്സിലാക്കാൻ സാധിക്കുന്നില്ല എന്നാണ് പലരും കമന്റ് ചെയ്യുന്നത്.
