ഇന്ത്യയില് ഏറ്റവും കൂടുതല് ആരാധകരുള്ള താരദമ്പതിമാരാണ് വിരാട് കോഹ്ലിയും അനുഷ്ക ശര്മ്മയും. വിരാട് ഇന്ത്യന് ക്രിക്കറ്റ് ആരാധകരുടെ ഹരവും ആവേശവുമാണ്. അനുഷ്കയാകട്ടെ ബോളിവുഡില് ഒരു കാലത്ത് തിളങ്ങി നിന്നിരുന്ന താരമാണ്. വിവാഹത്തോടെ വെള്ളിത്തിരയില് നിന്ന് ഇടവേളയെടുത്ത അനുഷ്ക മക്കളായ വാമികയെയും അകായ് യെയും പരിപാലിച്ച് ഒരു കുടുംബിനിയായി ഒതുങ്ങിയിരിക്കുകയാണ്. ആരും അസൂയപ്പെടുന്ന ദാമ്പത്യമാണ് അനുഷ്കയുടെയും വിരാടിന്റെയും.
മക്കളുടെ സ്വകാര്യത മാനിച്ച ഇവര് മക്കളുടെ മുഖം ഇതുവരെ ക്യാമറയ്ക്ക് മുന്നില് കാണിച്ചിട്ടേയില്ല. എന്നാല് വിരാടും അനുഷ്കയും ഒരുമിച്ചുള്ള ചിത്രങ്ങളും പോസ്റ്റുകളും എപ്പോഴും സോഷ്യല് മീഡിയയില് ട്രെന്ഡിംഗാകാറുണ്ട്. ഇവരുടെ പ്രണയനിമിഷങ്ങളും ക്രിക്കറ്റ് ഗ്രൗണ്ടില് വിരാടിനൊപ്പമെത്തുന്ന അനുഷ്കയും ഇവര് ഒന്നിച്ചുള്ള നിമിഷങ്ങളുമൊക്കെ വൈറലായി മാറിയിട്ടുണ്ട്.
എന്നാല് ഇപ്പോഴിതാ വിരാട് കോഹ്ലി സോഷ്യല് മീഡിയയെ മുഴുവൻ ഞെട്ടിക്കുന്ന ഒരു പോസ്റ്റു് പങ്കിട്ടത് വലിയ ചർച്ചക്ക് വഴിവച്ചിരിക്കുകയാണ്. തന്റെ ഔദ്യോഗിക എക്സ് പ്ലാറ്റഫോമിലൂടെയാണ് കോഹ്ലി ആകാംഷ ജനിപ്പിക്കുന്ന പോസ്റ്റ് പങ്കിട്ടത്. തിരിഞ്ഞ് നോക്കുമ്പോള്, ഞങ്ങള് എല്ലായ്പ്പോഴും വ്യത്യസ്തരായിരുന്നു എന്നാണ് കോഹ്ലിയുടെ പോസ്റ്റിന്റെ ആദ്യ വരി.
‘‘തിരിഞ്ഞു നോക്കുമ്പോൾ, ഞങ്ങൾ എല്ലായ്പ്പോഴും അൽപ്പം വ്യത്യസ്തരാണ്. അവർ ഞങ്ങളെ കയറ്റാൻ ശ്രമിച്ച ഒരു ബോക്സിലും ഞങ്ങൾ ഒരിക്കലും ഘടിപ്പിച്ചിട്ടില്ല. രണ്ട് തെറ്റായി, അവർ ഇപ്പോൾ ക്ലിക്ക് ചെയ്തു. വർഷങ്ങളായി ഞങ്ങൾ മാറിയിട്ടുണ്ട്, പക്ഷേ എല്ലായ്പ്പോഴും ഞങ്ങളുടെ രീതിയിൽ കാര്യങ്ങൾ ചെയ്തു. ചിലർ ഞങ്ങളെ ഭ്രാന്തൻ എന്ന് വിളിച്ചു; മറ്റുള്ള ചിലര്ക്കത് മനസ്സിലായില്ല. എന്നാൽ സത്യസന്ധമായി പറഞ്ഞാല്, ഞങ്ങളത് കാര്യമാക്കിയില്ല. ഞങ്ങൾ ശരിക്കും ആരാണെന്ന് കണ്ടുപിടിക്കുന്ന തിരക്കിലായിരുന്നു.
പത്തുവർഷത്തെ ഉയർച്ച താഴ്ചകൾ, മഹാമാരിക്ക് പോലും നമ്മെ കുലുക്കാനായില്ല. എന്തെങ്കിലുമുണ്ടെങ്കിൽ, അത് നമ്മെ ഓർമ്മിപ്പിച്ചു വ്യത്യസ്തരായിരിക്കുക എന്നതാണ് നമ്മുടെ ശക്തി. അങ്ങനെ പത്തുവർഷത്തെ നമ്മുടെ വഴി-തെറ്റായ വഴി. ഇവിടെ തെറ്റാണ്. അടുത്ത പത്തിലേക്ക് ഇതാ! തെറ്റായ, ശരിയായ തരത്തിലുള്ള മനുഷ്യന്....’’ എന്നാണ് കോഹ്ലി കുറിച്ചത്.
കോഹ്ലിയുടെ ഫാഷൻ ബ്രാൻഡായ Wrogn 10 വർഷങ്ങള് പിന്നിട്ട സാഹചര്യത്തിലായിരുന്നു ഈ പോസ്റ്റ് വന്നതെന്നുള്ളത് ആളുകള് പോസ്റ്റിന്റെ അവസാനം വായിച്ചപ്പോഴാണ് ആരാധകര്ക്ക് മനസ്സിലായത്.
ട്രെൻഡി ഡിസൈനുകള്ക്കും ഉയർന്ന നിലവാരമുള്ള കാഷ്വല് വസ്ത്രങ്ങള്ക്കും പേരുകേട്ട Wrogn, 2014-ല് വിരാട് കോഹ്ലിയെ ബ്രാൻഡ് അംബാസഡറായി ഒപ്പുവെച്ചിരുന്നു, അതിനാല് തന്നെ താനുമായിട്ടുള്ള ബ്രാൻഡിംഗ് ബന്ധത്തിന്റെ ‘പത്തുവർഷങ്ങള്’ ആയ ബ്രാൻഡിന് നന്ദി പറഞ്ഞാണ് കോഹ്ലി പോസ്റ്റ് പങ്കുവെച്ചത്.
— Virat Kohli (@imVkohli) November 20, 2024
എന്നാല് ഇത് ചര്ച്ചകള്ക്ക് വഴിവയ്ക്കാന് ഒരു കാരണം, 29 വർഷത്തെ വിവാഹ ബന്ധം വേർപിരിഞ്ഞ എ ആർ റഹ്മാന്റേയും ഭാര്യയുടെയും വാർത്ത വന്നതിന് പിന്നാലെയാണ് കോഹ്ലിയുടെ പോസ്റ്റും വന്നത് എന്നതാണ്. അതുപോലെ, കോഹ്ലിയും ഭാര്യയും വേർപിരിഞ്ഞോ എന്ന് വരെ സോഷ്യല് മീഡിയ ചിന്തിച്ചു തുടങ്ങി. യാദൃശ്ചികമെന്നു പറയട്ടെ, പത്ത് വർഷം മുമ്പാണ് കോഹ്ലി അനുഷ്കയുമായി ഡേറ്റിംഗ് ആരംഭിച്ചത്. അതിനാല് ആരാധകർ പോസ്റ്റിന്റെ തുടക്കം വായിച്ചപ്പോള് താരം പറഞ്ഞിരിക്കുന്നത് അനുഷ്കയെ ആണെന്ന് ഓർത്തു.
പോസ്റ്റിന്റെ താഴെ നിരവധി കമന്റുകള് ആരാധകര് കുറിക്കുന്നുണ്ട്. ‘എന്തായാലും തങ്ങള്ക്ക് റഹ്മാൻ തന്നത് പോലെ ഒരു ഹാർട്ട് അറ്റാക്ക് തന്നെയാണ് കോഹ്ലി തന്നത്, ഇങ്ങനെ ഒന്നും ആരോടും ചെയ്യരുത്’ എന്ന് ആരാധകര് കുറിക്കുന്നു.
