ലോകസുന്ദരിയും അഭിനേത്രിയുമായ ഐശ്വര്യറായ് ബോളിവുഡിന്റെ താരറാണിയാണ്. ബച്ചന് കുടുംബത്തിലേക്ക് മരുമകളായി എത്തിയ ഐശ്വര്യ പിന്നീടുള്ള വേദികളില് അഭിഷേകിന്റെ ഭാര്യയായും തിളങ്ങിത്തുടങ്ങി. ഇതിനിടയില് വെള്ളിത്തിരയിലും താരം തന്റെ സാന്നിധ്യമറിയിച്ചു കൊണ്ടിരുന്നു. താരദമ്പതിമാരുടെ ഏകമകള് ആരാധ്യ ബച്ചന് ജനിച്ച നാള് മുതല് സെലിബ്രിറ്റി ഇമേജില് നില്ക്കുന്ന താരപുത്രിയാണ്. ആദ്യമൊക്കെ ക്യാമറക്കണ്ണുകളില് നിന്ന് അകന്നു നിന്നിരുന്ന താരപുത്രി പിന്നീട് സോഷ്യല് മീഡിയയിലടക്കം തിളങ്ങി നില്ക്കുകയാണ്. ആരാധ്യയുടെ ഓരോ ജന്മദിനവും കുടുംബവും ആരാധകരും ആഘോഷമാക്കാറുണ്ട്.
ഇപ്പോഴിതാ താരപുത്രിയുടെ 13-ാം ജന്മദിനം ആഘോഷമാക്കുകയാണ് ഐശ്വര്യറായ് ബച്ചന്. മകൾ ആരാധ്യയുടെ ജന്മദിനാഘോഷവും അച്ഛൻ കൃഷ്ണരാജ് റായിയുടെ ജന്മദിനവുമാണ് ഐശ്വര്യ പങ്കിട്ടത്. തന്റെ ജീവിതത്തിലെ രണ്ട് പ്രത്യേക നിമിഷങ്ങൾ ഉൾക്കൊള്ളുന്ന ഒരു കൂട്ടം ചിത്രങ്ങൾ സഹിതമാണ് ഇൻസ്റ്റാഗ്രാമിൽ പങ്കിട്ടിരിക്കുന്നത്. ‘‘എന്റെ പ്രിയപ്പെട്ട ഡാഡി-അജ്ജയ്ക്കും എന്റെ പ്രിയപ്പെട്ട ആരാധ്യയ്ക്കും...എന്റെ ആത്മാവിനും...നിത്യസ്നേഹത്തിനും ജന്മദിനാശംസകൾ... എക്കാലവും അതിനപ്പുറവും...’’ എന്ന ക്യാപ്ഷന് നല്കിയാണ് ഐശ്വര്യ ത്രോബാക്ക് ചിത്രങ്ങളടക്കം പങ്കിട്ടിരിക്കുന്നത്.
ചിത്രങ്ങളില് അന്തരിച്ച മുത്തച്ഛന്റെ ഛായാചിത്രത്തിന് മുന്നിൽ ആരാധ്യ ആദരവോടെ വണങ്ങുന്നത്, ഐശ്വര്യയും ആരാധ്യയും ഐശ്വര്യയുടെ അമ്മ ബൃന്ധ്യ റായിയ്ക്കൊപ്പം പോസ് ചെയ്യുന്നത് ഒക്കെയുണ്ട്. മകള്ക്കൊപ്പമുള്ള ലേറ്റസ്റ്റ് ചിത്രങ്ങള്ക്കൊപ്പം കുഞ്ഞ് ആരാധ്യയ്ക്കൊപ്പമുള്ള ഐശ്വര്യയുടെ ത്രോബാക്ക് ചിത്രങ്ങളും ഉള്ക്കൊള്ളിച്ചിട്ടുണ്ട്. എന്നാല് അഭിഷേകിനൊപ്പമുള്ള ഒറ്റ ചിത്രം പോലും ഐശ്വര്യ പങ്കുവച്ചിട്ടില്ല എന്നുള്ളതും ആരാധകര് ശ്രദ്ധിക്കുന്നുണ്ട്. ഈ അഭാവം അവരുടെ വേർപിരിയലിനെ ചുറ്റിപ്പറ്റിയുള്ള അഭ്യൂഹങ്ങൾക്ക് ആക്കം കൂട്ടിയിട്ടുണ്ട്.
പോസ്റ്റ് കണ്ടിട്ട് അഭിഷേക് എവിടെയാണെന്ന് പല ആരാധകരും കമന്റുകളിലൂടെ ചോദിക്കുന്നു. ‘അഭിഷേക് സർ എവിടെ?, അമിതാഭ് ബച്ചന് എവിടെ, മകള്ക്ക് ജന്മദിനാശംസ കുറിക്കാന് അഭിഷേക് മറന്നു പോയോ?’ എന്നതടക്കമാണ് ആരാധകരുടെ കമന്റുകള്.
അഭിഷേകിന്റെയും ഐശ്വര്യ റായ് ബച്ചന്റെയും വിവാഹമോചനത്തെക്കുറിച്ചുള്ള അഭ്യൂഹങ്ങൾ സോഷ്യൽ മീഡിയയിൽ കുറച്ച് നാളുകളായി പ്രചരിക്കുന്നുണ്ട്. ജൂലൈയിൽ നടന്ന ഒരു ഉയർന്ന വിവാഹത്തിൽ ദമ്പതികൾ വെവ്വേറെ എത്തിയതോടെയാണ് ഈ കിംവദന്തികൾ പ്രചരിച്ചത്. പിന്നീട് പല ചടങ്ങുകളിലും ഇവര് ഒരുമിച്ച് വരാതിരുന്നതും നിമ്രത് കൗറുമായി അഭിഷേകിനുള്ള അടുപ്പവുമൊക്കെ ഈ കിംവദന്തികള്ക്ക് ബലം കൂട്ടി. എന്നാലിതുവരെ ഐശ്വര്യയോ അഭിഷേകോ ഇതിനെക്കുറിച്ച് ഒന്നും പ്രതികരിച്ചിട്ടില്ല. എന്നാല് ആരാധ്യയുടെ ജന്മദിനത്തില് ഐശ്വര്യ മനഃപൂര്വ്വം അഭിഷേകിനെ ഒഴിവാക്കിയതാണോ എന്ന് പലര്ക്കും തോന്നുന്നുണ്ട്.
