തെലുങ്ക് സൂപ്പര്താരം നാഗാര്ജ്ജുനയുടെ മകനും അഭിനേതാവുമായ നാഗചൈതന്യയും തെന്നിന്ത്യന് അഭിനേത്രിയായ ശോഭിത ധൂളിപാലും തമ്മിലുള്ള വിവാഹാഘോഷങ്ങളുടെ തിരക്കിലാണ് കുടുംബം മുഴുവന്. വിവാഹത്തിനു മുമ്പുള്ള ഹല്ദി ചടങ്ങുകള് ഹൈദരാബാദിലാണ് നടന്നത്. ഇരുവരുടെയും അടുത്ത കുടുംബാംഗങ്ങളും സുഹൃത്തുക്കളുമാണ് ചടങ്ങില് പങ്കെടുത്തത്.
ഹല്ദി ചടങ്ങുകളില് രണ്ട് വ്യത്യസ്ത കോസ്റ്റ്യൂമുകളിലാണ് ശോഭിത പ്രത്യക്ഷപ്പെട്ടത്. പതിവില് നിന്ന് വിപരീതമായി മഞ്ഞ വസ്ത്രങ്ങള്ക്ക് പകരം ഫുള് ഹാൻഡ് ബ്ലൗസോടുകൂടിയ തിളക്കമാർന്ന ചുവന്ന സാരിയായിരുന്നു താരം ഫസ്റ്റ് ലുക്കിനായി തെരഞ്ഞെടുത്തു. ഒരു ചങ്കി ചോക്കറും നെറ്റിചുട്ടിയുമാണ് ഇതിനൊപ്പം പെയര് ചെയ്തത്. പൊന്നിയൻ സെല്വനിലെ വേഷത്തിനോട് സാദൃശ്യം തോന്നുന്ന തരത്തിലായിരുന്നു ശോഭിതയുടെ സെക്കൻഡ് ലുക്ക്. കുർത്തയും പൈജാമയുമായിരുന്നു നാഗചൈതന്യയുടെ വേഷം. ഇവരുടെ ഹല്ദി ചടങ്ങുകളുടെ ദൃശ്യങ്ങള് സോഷ്യല്മീഡിയയില് വൈറലാണ്.
ഹൈദരാബാദിലെ അന്നപൂർണ സ്റ്റുഡിയോയില് വച്ച് ഡിസംബർ 4 നാണ് നാഗചൈതന്യയുടെയും ശോഭിതയുടെയും വിവാഹം. ദിവസങ്ങള്ക്ക് മുൻപ് ഇരുവരും തങ്ങളുടെ കല്യാണ വീഡിയോയുടെ ചിത്രീകരണാവകാശം 50 കോടിക്ക് നെറ്റ്ഫ്ലിക്സിന് നല്കിയെന്ന തരത്തിലുള്ള വാര്ത്തകള് പരന്നിരുന്നു. എന്നാല് പിന്നീട് നല്കിയ അഭിമുഖത്തില് നാഗചൈതന്യ ഈ വാർത്ത നിഷേധിച്ചു. 2022 മുതല് ഡേറ്റിംഗിലായിരുന്ന ഇവര് 2024 ഓഗസ്റ്റ് 8 നാണ് ഹൈദരാബാദില് വച്ചായിരുന്നു നാഗ ചൈതന്യയുടെയും ശോഭിതയുടെയും വിവാഹ നിശ്ചയം നടത്തിയത്.
