ന്യൂയോര്ക്കിലെ ക്വീന്സില് വെച്ച് മുന് കാമുകനെയും സുഹൃത്തിനെയും കൊലപ്പെടുത്തിയ കേസില് ബോളിവുഡ് താരം നര്ഗ്ഗീസ് ഫക്രിയുടെ സഹോദരി ആലിയ ഫക്രി അറസ്റ്റില്. എഡ്വേര്ഡ് ജേക്കബ്സ് (35), അനസ്താസിയ എറ്റിയെന് (33) എന്നിവരെ തീയിട്ടു കൊന്നു എന്നാണ് ആരോപണം. ഇരുവരുടേയും മരണത്തിലേക്ക് നയിക്കുന്ന രീതിയില് 43 കാരിയായ ആലിയ രണ്ടുനില ഗാരേജിന് തീയിട്ടു.
നവംബര് രണ്ടിന് അതിരാവിലെ ഗാരേജില് എത്തിയ ആലിയ ഫഖ്രി മുകളിലത്തെ നിലയില് താമസിച്ചിരുന്ന ജേക്കബിനോട് 'നിങ്ങളെല്ലാവരും ഇന്ന് മരിക്കാന് പോകുന്നു' എന്ന് ആക്രോശിച്ച ശേഷമായിരുന്നു കൃത്യം നടത്തിയത്. അവരുടെ ശബ്ദം കേട്ട് ഒരു ദൃക്സാക്ഷി പുറത്തേക്ക് വന്നു നോക്കുമ്പോള് കെട്ടിടത്തിന് തീപിടിച്ചതായി കണ്ടെത്തുകയായിരുശന്നന്ന് ജില്ലാ അറ്റോര്ണി മെലിന്ഡ കാറ്റ്സ് പറഞ്ഞു.
സംഭവസമയത്ത് ജേക്കബ് ഉറങ്ങുകയായിരുന്നു. അറിയിപ്പ് ലഭിച്ചപ്പോള് ഏറ്റിയന് താഴേക്ക് വന്നെങ്കിലും ജേക്കബിനെ രക്ഷിക്കാന് മടങ്ങി. എന്നാല് ഇരുവര്ക്കും തീപിടിച്ച കെട്ടിടത്തില് നിന്ന് സുരക്ഷിതമായി പുറത്തുകടക്കാന് കഴിഞ്ഞില്ല. പുക ശ്വസിക്കുകയും താപ പരിക്കുകള് കാരണവുമാണ് ജേക്കബും എറ്റിയാനും മരിച്ചതെന്ന് മിസ് കാറ്റ്സിന്റെ ഓഫീസ് പത്രക്കുറിപ്പില് അറിയിച്ചു.
ഫസ്റ്റ് ഡിഗ്രിയില് നാല് കൊലപാതകങ്ങളും സെക്കന്റ് ഡിഗ്രിയില് നാല് കൊലപാതകങ്ങളും ആലിയ ഫഖ്രിക്കെതിരെ ചുമത്തിയിട്ടുണ്ട്. പരമാവധി ജീവപര്യന്തം തടവ് ലഭിക്കാനുള്ള കുറ്റമാണ് ആലിയ ചെയ്തിരിക്കുന്നതെന്ന് അഭിഭാഷകന് പറഞ്ഞു. കുറ്റകൃത്യം നടന്ന സ്ഥലത്തെ ഒരു സാക്ഷിയുടെ മൊഴി ഞെട്ടിക്കുന്നതാണ്. കത്തുന്ന ഗന്ധം തനിക്ക് അനുഭവപ്പെട്ടിരുന്നുവെന്ന് സാക്ഷി പറഞ്ഞു. നോക്കുമ്പോള് കോണിപ്പടിയിലെ കട്ടിലിന് തീപിടിച്ചതായി കണ്ടെത്തി. നരകത്തില് നിന്ന് രക്ഷപ്പെടാന് അവര്ക്ക് തീയുടെ മുകളിലൂടെ ചാടേണ്ടി വന്നു.
ഏറ്റിയെന് തന്നോടൊപ്പം കുറുകെ ചാടിയെന്നും എന്നാല് ജേക്കബിനെ രക്ഷിക്കാന് തിരികെ പോയെന്നും ദൃക്സാക്ഷി പറഞ്ഞു. ആലിയയും കാമുകനും തമ്മിലുള്ള മുന്ബന്ധം ചൂഷണം നിറഞ്ഞതായിരുന്നെന്നും ജേക്കബിന്റെ വീട് കത്തിക്കുമെന്ന് മുമ്പും ആലിയ ഭീഷണി മുഴക്കിയിരുന്ന കാര്യമായിരുന്നെന്നും സാക്ഷി പറഞ്ഞു. ഒരു വര്ഷം മുമ്പ് ജേക്കബ്സ് ഫക്രിയുമായി ബന്ധം വേര്പെടുത്തിയിരുന്നുവെങ്കിലും അവള് സമ്മതിച്ചില്ലെന്ന് ജേക്കബിന്റെ മാതാവ് പറഞ്ഞു. മകന് ഒരു പ്ലംബറാണെന്നാണ് അവര് വ്യക്തമാക്കിയിരിക്കുന്നത്.
അതേസമയം എല്ലാവരേയും സ്നേഹിക്കുകയും എല്ലാവരോടും സഹായ മനസ്ഥിതിയും സഹാനുഭൂതിയും കാട്ടുകയും ചെയ്തിരുന്നയാളാണ് ആലിയ. അവള്ക്ക് ആരെയും കൊല്ലാന് കഴിയുമെന്ന് വിശ്വസിക്കാന് കഴിയുന്നില്ലെന്നും അവരുടെ അമ്മ പറഞ്ഞു. രണ്ബീര് കപൂര് നായകനായ റോക്ക്സ്റ്റാറിലെ അഭിനയത്തിലൂടെ പ്രശസ്തയായ നര്ഗീസ് ഫക്രി ഈ വിഷയത്തില് ഇതുവരെ പ്രതികരിച്ചിട്ടില്ല.
