പുതിയ ചിത്രമായ പത്മാവതിയുടെ ഷൂട്ടിങ് സെറ്റില് സംവിധായകന് സഞ്ജയ് ലീല ബന്സാലിക്ക് രജ്പുത് കര്ണി സേനയുടെ മര്ദ്ധനം. ജയ്പൂരില് ചിത്രത്തിന്റെ ഷൂട്ടിങ് പുരോഗമിക്കുന്നതിനിടെ പ്രകടനവുമായെത്തിയ കര്ണി സേനാംഗങ്ങള് സംവിധായകനെയും മറ്റ് അണിയറ പ്രവര്ത്തകരെയും കയ്യേറ്റം ചെയ്യുകയായിരുന്നു.
രജ്പുത് റാണിയായ പത്മാവതിയുടെ പ്രണയരംഗങ്ങള് കാണിക്കുന്നത് സംസ്കാരത്തിന് യോജിക്കുന്നതല്ലെന്നും, വാസ്തവ വിരുദ്ധമാണെന്നും ആരോപിച്ചാണ് കര്ണി സേന എത്തിയത്. ലൊക്കേഷനിലെത്തി സംവിധായകനെയുള്പ്പെടെ മര്ദ്ധിച്ചതിന് പുറമേ ഷൂട്ടിങ് ഉപകരണങ്ങളും നശിപ്പിച്ചു.
