മലയാളികൾ നെഞ്ചിലേറ്റിയ കുട്ടിത്താരമാണ് ദേവനന്ദ. മാളികപ്പുറം എന്ന ചിത്രത്തിലൂടെയാണ് താരം പ്രേക്ഷകർക്ക് കൂടുതൽ സുപരിചിതയാകുന്നത്. ചിത്രത്തിലെ ദേവനന്ദയുടെ അഭിനയമികവിന് വലിയ സ്വീകാര്യതയാണ് പ്രേക്ഷകരിൽ നിന്നും ലഭിച്ചത്.
അഭിനയിക്കുന്ന കഥാപാത്രങ്ങൾ ഏതു തന്നെ ആയാലും വളരെ പക്വതയോടെ അത് താരം കൈകാര്യം ചെയ്യാറുണ്ട്. അഭിനയത്തിൽ മാത്രമല്ല പൊതു ഇടങ്ങളിലുള്ള പെരുമാറ്റത്തിലും ഏറെ ശ്രദ്ധയോടെ കൈകാര്യം ചെയ്യുന്ന ദേവനന്ദ പലപ്പോഴും സോഷ്യൽ ഇടങ്ങളിൽ ശ്രദ്ധയാകാറുണ്ട്.
പലഘട്ടങ്ങളിലും വലിയതീതിയിലുള്ള സൈബർ ആക്രമണങ്ങളാണ് ഈ ബാലതാരം നേരിട്ടത്. എന്നാൽ അതിനെയെല്ലാം വളരെ ബോൾഡായി നേരിട്ട് തന്റെ അഭിനയജീവിതം തുടരുകയാണ് ആരാധകരുടെ ദേവൂട്ടി. സിനിമയിലെന്നോണം സോഷ്യൽമീഡിയയിലും ദേവനന്ദ വളരെ ആക്ടീവ് ആണ്.
ഇപ്പോഴിതാ കുട്ടിത്താരം പങ്കുവെച്ച ചില ചിത്രങ്ങളാണ് സോഷ്യൽമീഡിയയിൽ ശ്രദ്ധയാകുന്നത്. റസൂൽ പൂക്കുട്ടിക്കും കുടുംബത്തിനുമൊപ്പമുള്ള ചിത്രങ്ങളാണ് ദേവനന്ദ പങ്കുവെച്ചത്. ചിത്രത്തിന് താഴെ കമ്മന്റുകളുമായി ആരാധകരും എത്തിയിട്ടുണ്ട്.
ദേവൂട്ടി നീ ഞങ്ങൾക്ക് അഭിമാനമാണ് ഇനിയും ഒരുപാട് ഉയരങ്ങളിൽ ഞങ്ങളുടെ അനിയത്തിക്കുട്ടി എത്തട്ടെ എന്ന് ആശംസിക്കുന്നു എന്നാണ് ഒരു ആരാധകൻ കമ്മന്റ് ചെയ്തിരിക്കുന്നത്. അഭിമാന നിമിഷം, ക്യൂട്ട് എന്നിങ്ങനെ പോകുന്നു കമ്മന്റുകൾ.മോസ്ക്കോയിൽ നിന്നുമുള്ള ചിത്രങ്ങളാണ് താരം പങ്കുവെച്ചത്.
