ബാലതാരങ്ങളായി അഭിനയ മേഖലയിലെത്തിയവരാണ് ഗോപികയും കീര്ത്തനയും. സിനിമയിലും ടെലിവിഷനിലുമൊക്കെയായി തിളങ്ങിയ ഇരുവരും സോഷ്യല്മീഡിയയില് സജീവമാണ്. ഗോവിന്ദ് പത്മസൂര്യയാണ് ഗോപികയെ വിവാഹം ചെയ്തത്. ജിപി വന്നതോടെ ഏട്ടനില്ലാത്ത കുറവ് മാറിയെന്നായിരുന്നു കീര്ത്തന പറഞ്ഞത്.
ഇപ്പോഴിതാ അമേരിക്കയിലേക്ക് പോയിരിക്കുകയാണ് കീര്ത്തന. സങ്കടവും സന്തോഷവുമൊക്കെ കൂടിക്കലര്ന്ന യാത്രയയപ്പിനെക്കുറിച്ച് പറഞ്ഞുള്ള ജിപിയുടെ പോസ്റ്റ് വൈറലായിക്കൊണ്ടിരിക്കുകയാണ്. ഗോപികയും സ്റ്റോറിയിലൂടെയായി അനിയത്തിക്ക് ആശംസ അറിയിച്ചിരുന്നു.
നീയെത്ര ഭാഗ്യവതിയാണെന്നും, നിന്നെക്കുറിച്ചോര്ത്ത് ഞങ്ങളെത്ര അഭിമാനിക്കുന്നുണ്ടെന്നും വ്യക്തമാക്കാനാണ് ഈ പോസ്റ്റ്. നിന്റെ സ്വപ്നങ്ങളുമായി മുന്നേറുക. അതുപോലെ തന്നെ ഞങ്ങളുടെ ഹൃദയവും കീഴടക്കുക. അമേരിക്കയില് പോയി പുതിയ സൗഹൃദങ്ങളുണ്ടാക്കു, കഴിയുമെങ്കില് അവരെ ഞങ്ങള്ക്കും പരിചയപ്പെടുത്തുക. ഏറ്റവും സങ്കടത്തോടെ ഞാന് എഡിറ്റ് ചെയ്ത വീഡിയോ ആണ് ഇതെന്നുമായിരുന്നു ജിപി കുറിച്ചത്. ഷഫ്നയും കീര്ത്തനയെ കാണാനായെത്തിയിരുന്നു.
ഗോപികയെ കെട്ടിപ്പിടിച്ച് കരയുന്ന കീര്ത്തനയെയാണ് വീഡിയോയില് കാണുന്നത്. അച്ഛനും അമ്മയും മക്കളുടെ അരികില് തന്നെയുണ്ട്. ജിപിയും കീര്ത്തനയെ കെട്ടിപ്പിടിച്ച് സ്നേഹം പങ്കുവെക്കുന്നുണ്ടായിരുന്നു. കവിളില് പിടിച്ച് ചിരിപ്പിച്ചായിരുന്നു ജിപി കീര്ത്തനയെ യാത്രയാക്കിയത്. മിട്ടു പോയി സെറ്റായി വാ എന്നായിരുന്നു പ്രിയപ്പെട്ടവരെല്ലാം ഒരുപോലെ പറഞ്ഞത്. സങ്കടത്തോടെയാണെങ്കിലും സന്തോഷമുള്ളൊരു കാര്യമാണല്ലോ എന്നായിരുന്നു എല്ലാവരും പറഞ്ഞത്.
നിങ്ങളുടെ വീഡിയോ കണ്ട് ശരിക്കും കരച്ചില് വന്നു എന്നായിരുന്നു കമന്റുകള്. നിരവധി പേരാണ് പോസ്റ്റിന് താഴെയായി അഭിപ്രായങ്ങള് രേഖപ്പെടുത്തിയിട്ടുള്ളത്. നിങ്ങളുടെ സ്നേഹവും അടുപ്പവും എത്രത്തോളമാണെന്ന് ഈ വീഡിയോയിലുണ്ട്. ഇതുപോലെയാണ് യാത്രയയപ്പുകളെല്ലാം. എത്ര വേദനിപ്പിക്കുന്നതാണ്.
നീ പോവുന്നത് കാണാന് എനിക്കിഷ്ടമില്ല. നീ ഇത് യാഥാര്ത്ഥ്യമാക്കിയെന്നതില് എനിക്ക് അഭിമാനമാണ്. നിന്റെ സ്വപ്നങ്ങളുമായി നീ ജീവിക്കാന് പോവുകയാണ്. നീ കൂടെയില്ലാതെ ഞാന് എങ്ങനെ നിലനിന്ന് പോവുമെന്ന് അറിയില്ല. എന്നോട് പറഞ്ഞ ആഗ്രഹങ്ങളെല്ലാം നീ സഫലീകരിക്കുന്നത് കാണുമ്പോള് സന്തോഷമാണ്. അച്ഛനും അമ്മയ്ക്കും എനിക്കും നിന്നെ ഓര്ക്കുമ്പോള് അഭിമാനമാണ് തോന്നുന്നത്. നിന്നെ എനിക്ക് വല്ലാതെ മിസ് ചെയ്യും. വിളിപ്പുറത്ത് തന്നെ ഞാനുണ്ട്. നിനക്കാവശ്യമുള്ളപ്പോഴെല്ലാം ഞാന് നിന്റെ അടുത്തേക്ക് ഓടിയെത്തും. ഈ ലോകത്ത് മികച്ചതായുള്ള എല്ലാം നിനക്ക് ലഭിക്കട്ടെ എന്നായിരുന്നു ഗോപിക കുറിച്ചത്. ഇന്സ്റ്റഗ്രാം സ്റ്റോറിയിലൂടെയാണ് ഗോപിക കീര്ത്തനയ്ക്ക് ആശംസ അറിയിച്ചത്.
