തെന്നിന്ത്യന് ലേഡി സൂപ്പര്സ്റ്റാറായ നയന്താരയുടെ വിശേഷങ്ങളറിയാന് എന്നും ആരാധകര്ക്ക് ആകാംഷയാണ്. തെന്നിന്ത്യൻ സിനിമയുടെ ലേഡി സൂപ്പർസ്റ്റാർ എന്ന പദവിയിലേക്ക് നയൻതാര നടന്നു കയറിയത് വളരെ പെട്ടെന്നൊന്നുമല്ല. ഗോസിപ്പ് കോളങ്ങളിലും വാർത്തകളിലും നിറഞ്ഞു നിന്നിട്ടും തല ഉയർത്തി അതിനെയൊക്കെ നേരിട്ട താരമാണ് നയന്താര. ഒരു അവതാരികയായി കരിയർ ആരംഭിച്ച സാധാരണക്കാരിയായ ഒരു മലയാളി പെണ്കുട്ടിയായിരുന്നു ഡയാന കുര്യന്. മലയാള സിനിമയിലൂടെ അരങ്ങേറ്റം കുറിച്ച താരം തന്റെ അഭിനയമികവു കൊണ്ടാണ് തെന്നിന്ത്യന് സിനിമാ ആരാധകരുടെ പ്രിയ നായികയായി മാറിയത്.
പ്രണയങ്ങളും നയന്താരയുടെ ജീവിതത്തില് പല തവണ വന്നുപോയിട്ടുണ്ട്. അവസാനം തമിഴകത്തിന്റെ പ്രിയ സംവിധായകന് വിഘ്നേഷ് ശിവനെ വിവാഹം ചെയ്ത താരം വാടക ഗര്ഭധാരണത്തിലൂടെ ഇരട്ടക്കുഞ്ഞുങ്ങള്ക്ക് അമ്മയായി. ഒരുപാട് സിനിമകളിലൊന്നും അഭിനയിക്കാതെ കുടുംബത്തിനും മക്കള്ക്കുമൊപ്പം ജീവിതം ആസ്വദിക്കുകയാണ് നയന്താരയിപ്പോള്. എങ്കിലും സെലക്ടീവായി താരം അഭിനയിക്കുന്ന ചിത്രങ്ങളെല്ലാം തന്നെ ബ്ലോക്ക്ബസ്റ്ററിന്റെ പട്ടികയില് പെടുന്നതുമാണ്.
മക്കള് ജനിച്ച ശേഷമാണ് നയന്സ് സോഷ്യല് മീഡിയ അക്കൗണ്ട് പോലും തുടങ്ങിയത്. എല്ലാ വിശേഷങ്ങളും യാത്രാചിത്രങ്ങളും മക്കള്ക്കും വിഘ്നേഷിനുമൊപ്പമുള്ള ചിത്രങ്ങളും നയന്സ് ഇപ്പോള് സോഷ്യല് മീഡിയയിലൂടെ പങ്കിടാറുണ്ട്.
‘‘എവിടെയാണോ പ്രണയം, അവിടെ സന്തോഷമുണ്ട്...എല്ലാവര്ക്കും പുതുവത്സരാശംസകള്...സ്നേഹത്തിൽ ശ്രദ്ധ കേന്ദ്രീകരിക്കുക, ജീവിതത്തിലെ എല്ലാ നല്ല കാര്യങ്ങളിലും ശ്രദ്ധ കേന്ദ്രീകരിക്കുക, കഠിനാധ്വാനത്തിൽ ശ്രദ്ധ കേന്ദ്രീകരിക്കുക... എല്ലാ നെഗറ്റീവുകളും ശ്രദ്ധയിൽപ്പെടുത്താതിരിക്കുക, നിങ്ങളുടെ ജീവിതത്തിൽ നിന്ന് അതിനെ അകറ്റി നിര്ത്തുക...നിങ്ങളുടെ അനുഗ്രഹങ്ങളിലുള്ള വിശ്വാസവും നിങ്ങളുടെ മനസ്സാക്ഷിയോട് വിശ്വസ്തത പുലർത്തുന്നതും വിജയം മാത്രമല്ല, ഒരുപാട് സംതൃപ്തിയും സമൃദ്ധമായ സന്തോഷവും നൽകുന്നു...നിങ്ങൾ ആഗ്രഹിച്ചതെല്ലാം തരുന്നതാകട്ടെ 2025 ...
ഞങ്ങളിൽ നിന്ന് നിങ്ങളോട് ഒരുപാട് സ്നേഹം പകരുന്നു...’’ എന്ന ക്യാപ്ഷന് നല്കിയാണ് ബൂര്ജ് ഖലീഫയ്ക്ക് മുന്നില് വിഘ്നേഷിനൊപ്പം നിറഞ്ഞ ചിരിയോടെ പ്രണയാതുരമായി നില്ക്കുന്ന ചിത്രം നയന്താര പങ്കുവച്ചത്.
