തമിഴ് സിനിമാപ്രേക്ഷകര്‍ക്ക് ഏറെയിഷ്ടമുള്ള താരങ്ങളില്‍ ഒരാളാണ് വിശാല്‍. അഭിനയമികവിലൂടെ പ്രേക്ഷകമനസ്സിലിടം നേടിയ താരം തന്റെ കരവിരുതിനോടുള്ള അർപ്പണബോധത്തിന് പേരുകേട്ട അഭിനേതാവാണ്. അടുത്തിടെ തന്റെ ദീർഘകാലം മുടങ്ങിയ ചിത്രമായ മദഗജരാജയുടെ പ്രീ-റിലീസ് പരിപാടിയിൽ പങ്കെടുത്തിരിക്കുകയാണ് വിശാല്‍. സുന്ദർ സി സംവിധാനം ചെയ്ത ചിത്രം 12 വർഷം മുമ്പ് പൂർത്തിയാക്കിയതാണ്, ഒടുവിൽ 2025 ജനുവരി 12 ന് പൊങ്കൽ ഉത്സവത്തോട് അനുബന്ധിച്ച് റിലീസ് ചെയ്യുമെന്നാണ് റിപ്പോര്‍ട്ട്.
എന്നാല്‍ ഇപ്പോഴിതാ വിശാലിന്റെ പുതിയ വീഡിയോ ആരാധകര്‍ക്കിടയില്‍ ആശങ്കയുണ്ടാക്കുകയാണ്. ആരാധകരും സദസ്യരും ആശങ്ക പ്രകടിപ്പിച്ചത് താരത്തെ പരിപാടിയില്‍ വലിയ അവശനായാണ് കണ്ടതിനാലാണ്. കൈകള്‍ വിറയ്ക്കുന്ന വിശാലിന് നടക്കാനും ഇരിക്കാനുമൊക്കെ ബുദ്ധിമുട്ട് അനുഭവപ്പെടുന്ന വീ‍ഡിയോയാണ് ആരാധകർ ചൂണ്ടിക്കാട്ടുന്നത്. മൈക്ക് കൈയില്‍ പിടിച്ച് സംസാരിക്കുമ്പോള്‍ വിറയ്ക്കുന്ന കൈകള്‍ വീഡിയോയിലൂടെ കൃത്യമായി കാണാന്‍ കഴിയും. മുണ്ടും ഷർട്ടുമായിരുന്നു വിശാലിന്റെ വേഷം.
വീഡിയോ ശ്രദ്ധിക്കപ്പെട്ടതോടെ താരത്തിന് അസുഖമെന്തെങ്കിലുമുണ്ടോ എന്ന സംശയമാണ് ആരാധകര്‍ പ്രകടിപ്പിക്കുന്നത്. താരത്തിന് പനിയാണെന്ന് ചില ആരാധകർ കുറിക്കുന്നു. വിശാല്‍ എത്രയും പെട്ടെന്ന് സുഖംപ്രാപിക്കട്ടെയെന്നും ആരാധകര്‍ കുറിച്ചു.
സംഗീതസംവിധായകനും നടനുമായ വിജയ് ആന്റണിയും ചടങ്ങിനെത്തിയിരുന്നു. ദിവ്യ ദർശിനിയാണ് അവതാരകയായത്. അഞ്ജലി, വരലക്ഷ്മി ശരത്കുമാർ, സതീഷ്, സോനു സൂദ്, അന്തരിച്ച മനോബാല എന്നിവരാണ് മദഗജരാജയിലെ മറ്റു കഥാപാത്രങ്ങളെ അവതരിപ്പിച്ചത്.
മദഗജരാജയുടെ പ്രീ-റിലീസ് പരിപാടിയിൽ പങ്കെടുത്ത ആ എന്ന ചിത്രത്തിലെ ആക്ഷൻ സീക്വൻസുകളെക്കുറിച്ച് വിശാല്‍ പറഞ്ഞു. ‘‘എന്റെ കാലുകള്‍ എന്റെ തലയ്ക്ക് മുകളിലൂടെ പോകുന്ന ചലനമായ സമര്‍സോള്‍ട്ട് എന്ന ആക്ഷന്‍ സീക്വന്‍സുകള്‍ തെറ്റായിട്ടാണ് വന്നത്. എന്റെ പുറകിലെ തലയിൽ ഇടിക്കുകയും ചെയ്തു, എന്റെ കരിയർ അവസാനിച്ചുവെന്ന് ഞാൻ കരുതി. വർക്ക്ഔട്ട് ചെയ്യുന്നതിനാൽ ഞാൻ രക്ഷപ്പെട്ടുവെന്ന് ഡോക്ടർ പറഞ്ഞു. ആ സംഭവത്തിന് ശേഷവും, സ്റ്റണ്ട് സീക്വൻസ് പൂർത്തിയാക്കി...’’ എന്നാണ് വിശാല്‍ പറഞ്ഞത്.
Comments