മിനിസ്ക്രീനിലൂടെ പ്രേക്ഷകപ്രീതി നേടിയ ഒരുപാട് താരങ്ങളുണ്ട്. കുടുംബപ്രേക്ഷകര്ക്ക് ഏറെയിഷ്ടമുള്ള കഥാപാത്രങ്ങള് ചെയ്താണ് ഇവരില് പലരും പ്രേക്ഷകരുടെ ഇഷ്ടം നേടിയെടുത്തത്. അക്കൂട്ടത്തില് അഭിനയമോഹം കൊണ്ട് ക്യാമറയ്ക്ക് മുന്നില് എത്തുകയും ചുരുങ്ങിയ കാലയളവിനിടയില് ഒട്ടനവധി കഥാപാത്രങ്ങള് അവതരിപ്പിച്ച് ശ്രദ്ധിക്കപ്പെടുകയും ചെയ്ത അഭിനേത്രിയാണ് ശ്രീലക്ഷ്മി ശ്രീകുമാർ.
കുടുംബവിളക്കിലെ സുമിത്രയുടെ മകള് ശീതള് എന്ന കഥാപാത്രം ശ്രീലക്ഷ്മിക്ക് ഒരുപാട് ആരാധകരെ നേടിക്കൊടുത്തു. ഒട്ടനവധി സീരിയലുകള് ചെയ്തിട്ടുണ്ടെങ്കിലും ശ്രീലക്ഷ്മിയെ പ്രേക്ഷകപ്രിയങ്കരിയാക്കിയത് കുടുംബവിളക്ക് സീരിയലും ശീതള് എന്ന കഥാപാത്രവുമാണ്. സോഷ്യല് മീഡിയയില് ഏറെ സജീവമായ താരം കുറച്ച് കാലങ്ങളായി തന്റെ പ്രണയത്തിന്റെയും വിവാഹത്തിന്റെയും അപ്ഡേഷന്സ് തരുന്നുണ്ട്.
ഇപ്പോഴിതാ കാത്തിരുന്ന ആ വിവാഹത്തിന് ഇനി കൃത്യം ഏഴ് ദിവസം കൂടെ എന്ന് ആരാധകരെ അറിയിച്ചെത്തിയിരിക്കുകയാണ് താരം. ഭാവി വരന് ജോസ് ഷാജിക്കൊപ്പമുള്ള ചിത്രങ്ങളും ശ്രീലക്ഷ്മി ഈ സന്തോഷത്തിനൊപ്പം പങ്കിട്ടിട്ടുണ്ട്. ജനുവരി 15 ന് ഇരുവരും വിവാഹിതരാകും.
വയലറ്റ് ചുരിദാറില് അതിസുന്ദരിയായി ശ്രലക്ഷ്മിയും വയലറ്റ് ഔട്ട്ഫിറ്റില് ജോസിനെയും ചിത്രങ്ങളില് കാണാം. എല്ലാ എതിര്പ്പുകളും അവഗണിച്ച് ജനുവരി 15 ന് ഞങ്ങള് ഒന്നിക്കുന്നു എന്നാണ് താരം ചിത്രത്തിനൊപ്പം കുറിച്ചിരിക്കുന്നത്. പ്രണയം തുളുമ്പുന്ന ചിത്രങ്ങളാണ് താരം പങ്കിട്ടിരിക്കുന്നത്. ‘‘സ്നേഹത്തിന് അതിരുകളില്ല...അത് നിർബന്ധമായിരുന്നു...എല്ലാ പ്രതിബന്ധങ്ങൾക്കും എതിരായി, നിമിഷം അടയാളപ്പെടുത്തുക: 15/01/2025...’’ എന്ന ക്യാപ്ഷനൊപ്പമാണ് താരം ചിത്രം പങ്കിട്ടിരിക്കുന്നത്. സ്കൂള് കാലഘട്ടം മുതലുള്ള പ്രണയം പൂവണിയാകാന് പോകുന്ന ത്രില്ലിലാണ് താരം.
