ഓരോ ദിവസവും വ്യത്യസ്തത ഉണര്ത്തുന്ന ആയിരകണക്കിന് വീഡിയോകളാണ് സോഷ്യല് മീഡിയ വഴി വൈറലായിക്കൊണ്ടിരിക്കുന്നത്. ഇവയില് വന്യമൃഗങ്ങളുമായി ബന്ധപ്പെട്ട വീഡിയോകള്ക്ക് കാഴ്ചക്കാര് ഏറെയാണ്. ഇരയെ പിടിക്കാനുള്ള അവയുടെ ആവേശവും വേട്ടക്കാരനില് നിന്നു രക്ഷപ്പെടാനുള്ള ശ്രമങ്ങളുമെന്ന് വേണ്ട ഒരുപാട് കാഴ്ചകള് നമുക്ക് മുന്നില് ഇതുപോലെ എത്താറുണ്ട്. അതുപോലെ ഞെട്ടിക്കുന്ന ഒരു വീഡിയോയാണ് ഇപ്പോള് സോഷ്യല് മീഡിയയില് വൈറലായി കൊണ്ടിരിക്കുന്നത്.
നേച്ചര് ഈസ് അമേസിംഗ് എന്ന അക്കൗണ്ടില് നിന്നാണ് വീഡിയോ പങ്കുവച്ചിരിക്കുന്നത്. വീഡിയോയില് കാണുന്നത് കുറേയേറെ മുതലകള്ക്കിടയില് പെട്ടുപോകുന്ന ഒരു സീബ്രയേയാണ്. സീബ്രയെ ഒരു മുതല എങ്ങനെയും കീഴ്പ്പെടുത്താന് ശ്രമിക്കുന്നതും കാണാം. ഒരു മുതല സീബ്രയുടെ തല വായിലാക്കാന് ശ്രമിക്കുന്നുമുണ്ട്. എന്നാല്, തീരെ പ്രതീക്ഷിക്കാത്ത ഒരു കാര്യമാണ് പിന്നെ സംഭവിക്കുന്നത്.
സീബ്ര അതിലൊരു മുതലയുടെ തല തന്റെ വായിലാക്കുന്നത് കാണാം. അതോടെ മറ്റ് മുതലകളും സീബ്രയെ അക്രമിക്കാന് വരുന്നുണ്ട്. എന്നാല്, സീബ്ര തന്റെ പരമാവധി കരുത്തും പ്രയോഗിച്ചു കൊണ്ട് ഈ മുതലകളില് നിന്നും രക്ഷപ്പെടുന്നതും ഒടുവില് കരയിലേക്ക് കേറിപ്പോകുന്നതും കാണാം. നെഞ്ചിടിപ്പോട് കൂടിയല്ലാതെ നമുക്ക് ഈ വീഡിയോ കാണാനാവില്ല.
That zebra bit the damn croc 🤯 pic.twitter.com/EcUCNHTv11
— Nature is Amazing ☘️ (@AMAZlNGNATURE) January 8, 2025
