മലയാള സിനിമയിലെ മിന്നും താരമായ റിമ കല്ലിങ്കല് മികച്ച നടിക്കുള്ള സംസ്ഥാന ചലച്ചിത്ര പുരസ്കാരം അടക്കം നേടിയിട്ടുള്ള താരമാണ്. അഭിനയം കൊണ്ട് മാത്രമല്ല, തന്റെ നിലപാടുകളിലൂടേയും വ്യക്തിത്വത്തിലൂടേയും റിമ ഒരുപാട് ആരാധകരെ നേടിയിട്ടുണ്ട്. തന്റെ അഭിപ്രായങ്ങളും നിലപാടുകളും പൊതുവേദികളിലടക്കം റിമ തുറന്നു പറഞ്ഞിട്ടുണ്ട്. സിനിമാ മേഖലയിലെ സ്ത്രീവിരുദ്ധതയ്ക്കെതിരെ പലപ്പോഴായി തുറന്നടിച്ചുള്ള റിമ കല്ലിങ്കല് ഡബ്ല്യുസിസിയുടെ സ്ഥാപക അംഗങ്ങളില് ഒരാള് കൂടിയാണ്.
സോഷ്യല് മീഡിയയിലൂടെയും റിമ പങ്കിടാറുളള ബോള്ഡ് സ്റ്റൈലിഷ് ഫോട്ടോഷൂട്ടുകള് വൈറലായി മാറിയിട്ടുണ്ട്. ആരെന്ത് പറഞ്ഞാലും നെഗറ്റീവ് കമന്റുകള് കുറിച്ചാലും താരം അതൊന്നും മൈന്ഡ് ചെയ്യാതെ വീണ്ടും ഹോട്ട് ബോള്ഡ് ഫോട്ടോഷൂട്ടുകള് പങ്കുവച്ചിട്ടുണ്ട്. ലുക്കുകളിലും താരം പരീക്ഷണങ്ങള് നടത്താറുണ്ട്.
ഇപ്പോഴിതാ റിമയുടെ പുതിയ ലുക്ക് ഫാഷന് പ്രേമികള്ക്ക് തരംഗമാക്കുകയാണ്. ഫോട്ടോഷൂട്ടില് താരത്തിന്റെ ഹെയര്സ്റ്റെലാണ് ഹൈലൈറ്റ്. ചുരുണ്ട മുടി വിടര്ത്തിയിട്ടാണ് താരം ചിത്രങ്ങളില് പ്രത്യക്ഷപ്പെട്ടിരിക്കുന്നത്. ഐ മേക്കപ്പും ന്യൂഡ് ലിപ്സ്റ്റിക്കും താരത്തിന് ഒരു സ്റ്റൈലിഷ് ലുക്ക് നല്കുന്നുണ്ട്. ഒപ്പം പല നിറത്തിലുള്ള വലിയ വളകളും ധരിച്ചിട്ടുണ്ട് താരം.
താരത്തിന്റെ പുതിയ ലുക്കിനെ അഭിനന്ദിച്ച് നിരവധി പേര് കമന്റുകള് കുറിക്കുന്നുണ്ട്. സൂപ്പര് ലുക്ക് എന്നാണ് പലരും നല്കുന്ന കമന്റുകള്.
