നിവിൻ പോളിയെ നായകനാക്കി വിനീത് ശ്രീനിവാസൻ സംവിധാനം ചെയ്ത ‘തട്ടത്തിന് മറയത്ത്’ എന്ന ചിത്രത്തിലൂടെ പ്രേക്ഷകഹൃദയം കീഴടക്കി തരംഗമായി മാറിയ താരമാണ് ഇഷ തല്വാര്. ആയിഷ മുന്നില് വന്നു നിന്നാല് പിന്നെ ചുറ്റുമുള്ളതൊന്നും കാണാന് കഴിയില്ലെന്ന് സിനിമയിലെ നായകന് പറയുമ്പോള് ആ സൗന്ദര്യം മുഴുവന് ഇഷയെന്ന നായികയില് പ്രേക്ഷകര് കണ്ടിരുന്നു. ആയിഷയിലുടെ കേരളത്തില് തരംഗമാകാൻ ഇഷ തല്വാറിന് സാധിച്ചു. ആ കഥാപാത്രമായാണ് ഇന്നും ഇഷയെ ആരാധകർ ഓർക്കുന്നത്.
ഇഷയെ പിന്നീട് ഒരുപാട് സിനിമകളില് പ്രേക്ഷകര് പ്രതീക്ഷിച്ചെങ്കിലും കുറച്ചു സിനിമകള് മാത്രമേ താരം മലയാളത്തില് ചെയ്തുള്ളൂ. എന്നാല് അതൊന്നും കാര്യമായി ശ്രദ്ധിക്കപ്പെട്ടിട്ടില്ല. മുംബെെയില് അറിയപ്പെടുന്ന മോഡലായിരിക്കെയാണ് ഇഷ തട്ടത്തില് മറയത്തില് അഭിനയിക്കുന്നത്. ഇന്നും മോഡലിംഗിലും പരസ്യ ചിത്രങ്ങളിലും ഇഷ തല്വാർ സജീവമാണ്.
ഇപ്പോഴിതാ ഇഷ തല്വാറിന്റെ പുതിയ വീഡിയോയാണ് സോഷ്യല് മീഡിയയില് ശ്രദ്ധ നേടുന്നത്. കോള്ഡ്പ്ലേ കണ്സേർട്ടിനെത്തിയപ്പോള് ഒരു റിപ്പോർട്ടറോട് സംസാരിക്കുന്ന താരത്തിന്റെ വീഡിയോ പ്രേക്ഷകരില് അമ്പരപ്പും സൃഷ്ടിക്കുന്നുണ്ട്.
‘‘ഞാൻ വളരെ ആവേശഭരിതയാണ്. രണ്ടാം തവണയാണ് കണ്സേർട്ടിനെത്തുന്നത്....’’ ആവേശത്തോടെ ഇഷ സംസാരിക്കുന്നത് കണ്ട് പല അഭിപ്രായങ്ങളും സോഷ്യല് മീഡിയയില് വന്നിട്ടുണ്ട്.
തട്ടത്തിന് മറയത്തിലെ ആയിഷ തന്നെയാണോ ഇതെന്ന് പലരും ചോദിക്കുന്നു. താരത്തിന് നേരെ പരിഹാസ കമന്റുകളും വരുന്നുണ്ട്. ‘ലഹരിയിലാണ് സംസാരിക്കുന്നതെന്ന് തോന്നുന്നു, ആയിഷയ്ക്ക് ചുറ്റുമുള്ളതൊന്നും കാണാൻ പറ്റുന്നില്ലെന്ന് തോന്നുന്നു, എങ്ങനെ നടന്ന കുട്ടിയാണ്, ഇത് എന്റെ ആയിഷയല്ല, എന്റെ ആയിഷ ഇങ്ങനെയല്ല, ഞങ്ങളോട് ഇത് വേണമായിരുന്നോ, മനസിന്റെ കോണില് ഇപ്പോഴും ഉണ്ട് ആ ആയിഷ. അതങ്ങനെ തന്നെ സൂക്ഷിച്ചോളാം’ എന്നിങ്ങനെ കമന്റുകള് നിറയുന്നു.
നിവിൻ പോളിയെയും വിനീത് ശ്രീനിവാസനെയുമെല്ലാം ചിലർ കമന്റ് ബോക്സില് ടാഗ് ചെയ്യുന്നുമുണ്ട്. തതട്ടത്തില് മറയത്തില് കണ്ട ആയിഷയല്ല യഥാർത്ഥത്തില് ഇഷ തല്വാറെന്ന് ആരാധകർക്ക് ഉള്ക്കൊള്ളാൻ പറ്റുന്നില്ല.
ബോളിവുഡിലും ചില സിനിമകളിലും സീരീസുകളിലും ഇഷ തല്വാർ അഭിനയിച്ചിട്ടുണ്ട്. എന്നാല് കരിയറില് ഏറ്റവും ശ്രദ്ധിക്കപ്പെട്ട സിനിമ തട്ടത്തിൻ മറയത്താണ്. 2022 ല് പുറത്തിറങ്ങിയ തീർപ്പ് ആണ് ഇഷ അഭിനയിച്ച അവസാനത്തെ മലയാള സിനിമ. തട്ടത്തിൻ മറയത്തില് അഭിനയിക്കുന്നതിന് മുമ്പ് നാല് മാസത്തെ വോയിസ് ട്രെയിനിംഗ് ഭാഷ പഠിക്കാനുള്ള കോഴ്സും ഇഷ ചെയ്തിരുന്നു. ഐ ലൗ മി, ബാല്യകാലസഖി, ഉത്സാഹ കമ്മിറ്റി, ഗോഡ്സ് ഓണ് കണ്ട്രി, ബാംഗ്ലൂർ ഡെയ്സ് തുടങ്ങിയവയാണ് പിന്നീട് ഇഷ ചെയ്ത മലയാള സിനിമകള്. ട്യൂബ് ലൈറ്റ് എന്ന സല്മാൻ ഖാൻ ചിത്രത്തിലൂടെയാണ് ബോളിവുഡിലേക്ക് കടന്നത്.
