ബോളിവുഡില് ഏറെ ആരാധകരുള്ള കോംബോയാണ് അക്ഷയ് കുമാർ - പ്രിയദർശൻ. നിരവധി സൂപ്പർഹിറ്റ് കോമഡി സിനിമകള് ഇരുവരും ചേർന്നപ്പോൾ പ്രേക്ഷകർ കണ്ടിട്ടുണ്ട്. അതില് പലതും ബോളിവുഡിലെ കള്ട്ട് ക്ലാസ്സിക് സിനിമകളാണ്. മലയാളത്തില് മോഹൻലാലിനെ നായകനാക്കി പ്രിയദർശൻ ഒരുക്കിയ ഹിറ്റ് സിനിമകളായിരുന്നു അക്ഷയ് കുമാറിനെ വെച്ച് ഹിന്ദിയിലേക്ക് റീമേക്ക് ചെയ്തത്.
ഇപ്പോഴിതാ മലയാളത്തിന്റെയും ബോളിവുഡിന്റെയും പ്രിയ സംവിധായകന് പ്രിയദര്ശന് ജന്മദിനാശംസകള് കുറിക്കുകയാണ് അക്ഷയ്കുമാര്. കുഴപ്പങ്ങളെ ഒരു മാസ്റ്റർപീസ് പോലെ തോന്നിപ്പിക്കാൻ കഴിയുന്ന ഒരേയൊരു വ്യക്തിയായതിനും നന്ദിയെന്നാണ് അക്ഷയ്കുമാര് കുറിക്കുന്നത്.
‘‘പ്രിയൻ സർ, ജന്മദിനാശംസകൾ! പ്രേതങ്ങൾ നിറഞ്ഞ ഒരു പ്രേത സെറ്റിൽ, യഥാർത്ഥവും പ്രതിഫലം ലഭിക്കാത്തതുമായ പ്രേതങ്ങൾ നിറഞ്ഞ ഒരു ദിവസം ചെലവഴിക്കുന്നതിനേക്കാൾ മികച്ച മറ്റെന്താണ് ആഘോഷിക്കാനുള്ള മാർഗം? ഒരു ഉപദേഷ്ടാവായിരിക്കുന്നതിനും കുഴപ്പങ്ങളെ ഒരു മാസ്റ്റർപീസ് പോലെ തോന്നിപ്പിക്കാൻ കഴിയുന്ന ഒരേയൊരു വ്യക്തിയായതിനും നന്ദി. നിങ്ങളുടെ ദിവസം കുറച്ച് റീടേക്കുകൾ കൊണ്ട് നിറഞ്ഞിരിക്കട്ടെ. വരാനിരിക്കുന്ന വർഷം നിങ്ങൾക്ക് ഒരു മികച്ച വർഷമായി ആശംസിക്കുന്നു...’’ എന്ന ക്യാപ്ഷനൊപ്പം പ്രിയദര്ശനമൊപ്പമുള്ള ചിത്രം പങ്കിട്ടാണ് അക്ഷയ്കുമാറിന്റെ കുറിപ്പ്.
14 വർഷത്തിന് ശേഷം പ്രിയൻ -അക്ഷയ് കോബോ ഒന്നിക്കുന്ന ചിത്രമാണ് ഭൂത് ബംഗ്ലാ. കോമഡി ഹൊറർ ജോണറിൽ ഒരുങ്ങുന്ന ചിത്രം അക്ഷയ് കുമാര്, ശോഭ കപൂര്, ഏക്ത കപൂര് എന്നിവര് ചേര്ന്നാണ് ചിത്രം നിര്മ്മിക്കുന്നത്. ആകാശ് കൗശിക്കിന്റേതാണ് കഥ. രോഹൻ ശങ്കർ, അഭിലാഷ് നായർ, പ്രിയദർശൻ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ഹൈദരാബാദ്, കേരളം, ശ്രീലങ്ക, ഗുജറാത്ത് തുടങ്ങിയ സ്ഥലങ്ങളിലാകും സിനിമയുടെ ചിത്രീകരണം. ചിത്രം 2026 ഏപ്രില് 2ന് പ്രദർശനത്തിനെത്തും.
