പൊതുവെ ലക്ഷങ്ങള് മാസ വരുമാനുമുള്ള ജോലി ചെയ്യുന്ന ആളുകള് അല്പം ആഡംബര ജീവിതം നയിക്കുന്നവരാണ്. അവര് ഉപയോഗിക്കുന്നതെല്ലാം എല്ലാം വിലകൂടിയ സാധനങ്ങളുമാണ്. അങ്ങനെയുള്ള ഒരാളുടെ ടോയ്ലട്രി പൗച്ച് എടുത്താല് അതില് എന്തൊക്കെയുണ്ടാകുമെന്ന് നമ്മുക്ക് ഊഹിക്കാം. വില കൂടിയ ഷാംപൂ, സോപ്പ്, നല്ല ബ്രഷ്, ചീര്പ്പ് എഇതൊക്കെയായിരിക്കും ഉണ്ടാകുന്നത് അല്ലേ? എന്നാല്, അങ്ങനെയൊന്നുമല്ലാത്ത ആണുങ്ങളും ഉണ്ട്. തന്റെ ഒരു കൂട്ടുകാരന്റെ ടോയ്ലെട്രി പൗച്ചിന്റെ ചിത്രം സോഷ്യല് മീഡിയില് പങ്കുവച്ച് കൊണ്ട് ഒരു യുവതി പറയുന്നത് ആണുങ്ങള് ഭയങ്കര സിംപിളാണ് എന്നാണ്.
സാക്ഷി എന്ന യുവതിയാണ് എക്സില് തന്റെ സുഹൃത്തിന്റെ സോപ്പും പേസ്റ്റുമെല്ലാം അടങ്ങുന്ന പൗച്ചിന്റെ ചിത്രം പങ്കുവച്ചിരിക്കുന്നത്. വര്ഷത്തില് 45 ലക്ഷം രൂപ വരുമാനമുള്ള തന്റെ സുഹൃത്തിന്റെ പൗച്ച് ആണിത് എന്ന് യുവതി കാപ്ഷനില് പറയുന്നുണ്ട്. ചിത്രത്തിലെ പൗച്ചില് കാണുന്നത്, ലക്സിന്റെ ഒരു സോപ്പ്, ചെറിയ ഒരു കുപ്പി (അതില് ഹെയര് ഓയില് ആണെന്നാണ് കരുതുന്നത്), ക്ലോസപ്പിന്റെ ഒരു ചെറിയ ടൂത്ത് പേസ്റ്റ്, പ്ലാസ്റ്റിക്കിന്റെ ഒരു ചെറിയ ചീര്പ്പ് തുടങ്ങിയവയാണ്.
മൂന്ന് ലക്ഷത്തിലധികം പേരാണ് പോസ്റ്റ് കണ്ടിരിക്കുന്നത്. ഒരുപാടുപേര് പോസ്റ്റിന് കമന്റുകളും നല്കിയിട്ടുണ്ട്. എന്നാലും ഇത്രയധികം ശമ്പളം വാങ്ങുന്ന ഒരാളുടെ പൗച്ചാണിത് എന്ന് പലര്ക്കും വിശ്വസിക്കാനായില്ല. ആ അമ്പരപ്പ് പലരും തങ്ങളുടെ കമന്റുകളില് പ്രകടിപ്പിച്ചിട്ടുണ്ട്. എന്നാല്, അതേസമയം തന്നെ പുരുഷന്മാരുടെ സെല്ഫ് കെയറും സ്ത്രീകളുടെ സെല്ഫ് കെയറും തമ്മിലുള്ള താരതമ്യമാണ് മറ്റ് ചിലര് നടത്തിയത്. ഈ ശമ്പളം വാങ്ങുന്ന ഒരു സ്ത്രീയുടെ പൗച്ചാണ് ഇതെങ്കില് അതിന്റെ അകത്ത് ഇങ്ങനെയൊരു കാഴ്ചയേ ആയിരിക്കില്ല കാണുന്നത് എന്നും അഭിപ്രായപ്പെട്ടവരുണ്ട്.
Pouch of my friend who has a package of 45 LPA. No doubt, men are very simple.😭 pic.twitter.com/UumKCp5Azr
— Sakshi (@333maheshwariii) February 3, 2025
