തിരുവനന്തപുരം: സംസ്ഥാനത്തു ഡിജിറ്റല് ആര്.സി. ബുക്ക് അടുത്ത മാസം ഒന്നു മുതല് ലഭ്യമാകുമെന്നു ഗതാഗത കമ്മിഷണര് സി.എച്ച്. നാഗരാജു അറിയിച്ചു. വാഹനം വാങ്ങി മണിക്കൂറുകള്ക്കുള്ളില് രജിസ്ട്രേഷന് പൂര്ത്തിയാക്കി പരിവാഹന് വെബ്സൈറ്റില്നിന്ന് ആര്.സി. ബുക്ക് ഡൗണ്ലോഡ് ചെയ്യാം. എല്ലാ വാഹന ഉടമകളും ആര്.സി. ബുക്ക് ആധാറില് കൊടുത്ത മൊബൈല് നമ്പറുമായി ബന്ധിപ്പിക്കണമെന്നും ഗതാഗത കമ്മിഷണര് നിര്ദേശിച്ചു.
ഉടമസ്ഥാവകാശം മാറ്റല്, ഹൈപ്പോത്തിക്കേഷന് മാറ്റം തുടങ്ങിയ കാര്യങ്ങള്ക്ക് ഇത് ഉപയോഗപ്പെടും. ഇത്തരത്തില് ബന്ധപ്പെടുത്തിയില്ലെങ്കില് ഉടമയുടെ അനുവാദം കൂടാതെ ആര്ക്കും വിവരങ്ങള് മാറ്റാന് കഴിയും. ആധാറില് കൊടുത്ത മൊബൈല് നമ്പറുമായി ബന്ധപ്പെടുത്തിയാല് വാഹന ഉടമയ്ക്കു ലഭിക്കുന്ന ഒ.ടി.പി. ഉപയോഗിച്ചുമാത്രമേ രജിസ്ട്രേഷന് സര്ട്ടിഫിക്കറ്റുമായി ബന്ധപ്പെട്ട ഇടപാടുകള് നടത്താന് കഴിയൂ.
