മലയാള മിനിസ്ക്രീൻ പ്രേക്ഷകർക്കും സോഷ്യൽ മീഡിയ ഉപയോക്താക്കൾക്കും ഏറെ സുപരിചിതരായ താരദമ്പതിമാരാണ് ഗായകൻ വിജയ് മാധവും ദേവിക നമ്പ്യാരും. സോഷ്യല് മീഡിയയില് സജീവമായ താരങ്ങള് എല്ലാ വിശേഷങ്ങളും ജീവിതത്തിലെ ചെറുതും വലുതുമായ സന്തോഷങ്ങളും ആരാധകരുമായി പങ്കിടാറുണ്ട്. അതൊക്കെ ഏറെ ശ്രദ്ധിക്കപ്പെടുകയും തരംഗമാകുകയും ചെയ്യാറുണ്ട്. തങ്ങളുടെ ജീവിതത്തില് രണ്ടാമതൊരു കുഞ്ഞ് ജനിച്ച സന്തോഷവും ഇരുവരും അടുത്തിടെ പങ്കുവച്ചിരുന്നു.
വിജയ്-ദേവിക ദമ്പതികള്ക്ക് രണ്ടാമത് ജനിച്ചത് പെണ്കുഞ്ഞായിരുന്നു, ഓം പരമാത്മാ എന്നാണ് ഇവര് കുഞ്ഞിനിട്ട പേര്. അതിന്റെ പേരില് വ്യാപക വിമർശനമാണ് വിജയ്ക്കും ദേവികയ്ക്കും നേരിടേണ്ടി വരുന്നത്. ഇതൊരു പെൺകുഞ്ഞിന് ഇടാൻ പറ്റിയ പേരാണോ എന്നുള്ള ചോദ്യങ്ങളടക്കമാണ് വന്നത്. ഈ പേര് കാരണം കുഞ്ഞ് ഭാവിയില് പരിഹാസങ്ങള് നേരിടേണ്ടി വരുമെന്ന് ഉള്പ്പെടെ പറഞ്ഞാണ് വിജയ് മാധവിനെതിരെ വിമർശനം ഉയർന്നത്. ആ കമന്റുകള്ക്ക് മറുപടിയുമായി ദേവികയും വിജയ് മാധവും പിന്നീട് എത്തിയിരുന്നു. എന്നാല് ഈ വീഡിയോയ്ക്കും വിമർശനങ്ങള് വന്നു.
ഇപ്പോഴിതാ പേരിന് ചൊല്ലിയുള്ള എല്ലാ പ്രശ്നങ്ങളും അവസാനിപ്പിക്കുകയാണെന്ന് പറയുകയാണ് ദേവികയും വിജയ് മാധവും. തങ്ങളുടെ ഭാഗത്ത് നിന്ന് എന്തെങ്കിലും ബുദ്ധിമുട്ട് ഉണ്ടായിട്ടുണ്ടെങ്കില് ക്ഷമിക്കണമെന്നും വിജയ് മാധവും ദേവികയും പറയുന്നു.
‘‘എല്ലാവർക്കും നമസ്കാരം...ചെറിയൊരു വീഡിയോ ആണ്. വേറൊന്നുമില്ല ഇന്നലെ കുറെ ആളുകള് ദേവിക കരയുന്നത് കണ്ട് മെസേജ് അയച്ചു. പുള്ളിക്കാരിക്ക് വേറെ പ്രശ്നങ്ങളൊന്നുമില്ല. പ്രസവം കഴിഞ്ഞതിന് പിന്നാലെ ഞാൻ പൊട്ടനാണ്, ഭ്രാന്തനാണ് എന്ന് പറഞ്ഞുകേട്ടപ്പോഴുണ്ടായ ചെറിയ മാനസിക സമ്മർദ്ദം മാത്രമെ ഉള്ളൂ. ഇന്നലെ ഫോണൊക്കെ സ്വിച്ച് ഓഫ് ചെയ്ത് വെച്ചിരിക്കുകയായിരുന്നു. മറുപടി പറഞ്ഞ് ഞാൻ മടുത്തു.
ഒന്നുരണ്ട് കാര്യങ്ങള് കൂടെ നമ്മള് സോഷ്യല് മീഡിയയില് വീഡിയോ ഇടുമ്പോള് എല്ലാവർക്കും അവരവരുടെ അഭിപ്രായങ്ങള് പറയാനുള്ള സ്വാതന്ത്ര്യമുണ്ട്. ഞാൻ പ്രതികരിച്ചതില് എന്തെങ്കിലും ബുദ്ധിമുട്ട് ആർക്കെങ്കിലും വന്നിട്ടുണ്ടെങ്കില് ക്ഷമ ചോദിക്കുന്നു. ഞാൻ ഇതോട് കൂടി പേരിടല് പരിപാടി അവസാനിപ്പിച്ചു. ഒരു ചെറിയ അബദ്ധം കൂടി ചെയ്തിട്ടുണ്ട്. ആത്മജുടെ പേരില് ആത്മജ സെന്റർ ഉള്ളത് കൊണ്ട് ഡിസൈൻസിന്റെ പേര് ഞാൻ ഓം ഡിസൈൻസ് എന്നിട്ട് വെബൈസൈറ്റും കാര്യങ്ങളും രജിസ്റ്റർ ചെയ്ത് വെച്ചു.
അതുകൊണ്ട് ഓം ഡിസൈൻസ് എന്ന പേര് കൂടി വരും. ഇതോട് കൂടി ഓഫിഷ്യലി പേരിടുന്ന പരിപാടി ഞാൻ താത്ക്കാലികമായി നിർത്തി. ഇനിയെങ്ങാനും ഒരു കുട്ടിക്ക് കൂടി യോഗമുണ്ടെങ്കില് ഞാൻ ഇനി എന്റെ കുട്ടിക്ക് സ്വന്തമായി പേരിടില്ല. ചിലപ്പോള് ഞാൻ സോഷ്യല് മീഡിയയില് സജഷൻ തരും. നിന്റെ കുട്ടിക്ക് പേരിടാൻ ഞങ്ങളാരെന്ന് ചോദിച്ച് ചീത്ത വിളിക്കരുത്.
നല്ല പേര് സജസ്റ്റ് ചെയ്താല് അതില് നിന്ന് സെലക്ട് ചെയ്യും. ഇട്ട പേര് ഇപ്പോള് മാറ്റാൻ പറ്റില്ല. കമന്റുകള് വളച്ചൊടിച്ചതല്ല, ആ രണ്ട് കമന്റുകള് ഞാന് കണ്ടതാണെന്നും അതാണ് ഞാന് ഇത്രയും വിഷമിക്കാൻ കാരണം. ഇതോടെ ആ വിഷയം അവസാനിപ്പിക്കുകയാണ്. ഞങ്ങള് പറഞ്ഞതില് എവിടെങ്കിലും ബുദ്ധിമുട്ട് തോന്നിയിട്ടുണ്ടെങ്കില് ക്ഷമ ചോദിക്കുന്നു. ഞങ്ങളുടെ ഫോളോവേഴ്സ് ഞങ്ങളുടെ ഫാമിലി പോലെ തന്നെയാണ്, ഞങ്ങള്ക്ക് നിങ്ങളുടെ അടുത്ത് സ്നേഹം മാത്രമെ ഉള്ളൂ നിങ്ങള്ക്ക് ഞങ്ങളുടെ അടുത്തും സ്നേഹം മാത്രമെ ഉള്ളൂവെന്ന് അറിയാം, എല്ലാവരും തങ്ങളോട് ക്ഷമിച്ചെന്ന് കരുതുന്നു...’’ വിജയ് മാധവും ദേവികയും പറഞ്ഞു.
