ന്യൂഡല്ഹി: അര്ഹതപ്പെട്ടത് പോലും നല്കുന്നില്ല എന്ന ഇടതുസര്ക്കാരന്റെ പരാതി നില നില്ക്കേ മുണ്ടക്കൈ-ചൂരല്മല പുനരധിവാസത്തിന് പലിശ രഹിത വായ്പ അനുവദിച്ച് കേന്ദ്രം. 529.50 കോടി രൂപയുടെ പലിശ രഹിത വായ്പ അനുവദിച്ച് കേന്ദ്രസര്ക്കാര്.
ഈ സാമ്പത്തിക വര്ഷം നിര്മ്മാണം തുടങ്ങണമെന്നാണ് നിബന്ധനയില് 16 പുനര് നിര്മ്മാണ പദ്ധതികള്ക്കാണ് കേന്ദ്രസര്ക്കാര് സഹായം പ്രഖ്യാപിച്ചത്. വായ്പ തിരിച്ചടവിന് 50 വര്ഷത്തെ സാവകാശം നല്കിയിട്ടുണ്ട്. വായ്പയ്ക്ക് പലിശ ഇല്ലാത്ത സംസ്ഥാനങ്ങള്ക്കുള്ള മൂലധന നിക്ഷേപ സഹായത്തില് ഉള്പ്പെടുത്തിയാണ് വായ്പ അനുവദിച്ചിരിക്കുന്നത്. കെട്ടിട നിര്മ്മാണം, സ്കൂള് നവീകരണം, റോഡ് നിര്മ്മാണം, പുഴയുടെ ഒഴുക്ക് ക്രമീകരിക്കല് എന്നിവക്ക് പണം ചിലവഴിക്കാം. ടൗണ്ഷിപ്പിനായും പണം വിനിയോഗിക്കാം.
നേരത്തെ 2000 കോടി രൂപയുടെ പ്രത്യേക പാക്കേജായിരുന്നു മുണ്ടക്കൈ-ചൂരല്മല പുനരധിവാസത്തിനായി കേരളം ആവശ്യപ്പെട്ടിരുന്നത്. കേന്ദ്ര ബജറ്റില് ഉള്പ്പെടുത്തി ഇത് പ്രഖ്യാപിക്കുമെന്ന് പ്രതീക്ഷിച്ചിരുന്നെങ്കിലും നിരാശയായിരുന്നു ഫലം.
