രാജ്യം മുഴുവന് മഹാകുംഭമേളയിലേക്കാണ് ഇപ്പോള് ഉറ്റുനോക്കുന്നത്. ലോകത്തിലെ തന്നെ ഏറ്റവും വലിയ തീര്ത്ഥാടനമാണ് പ്രയാഗ്രാജില് നടക്കുന്ന മഹാകുംഭമേള. കഴിഞ്ഞ ഏതാനും ദിവസങ്ങളായി ലക്ഷകണക്കിനാളുകളാണ് വിശുദ്ധ ത്രിവേണി സംഗമത്തില് വിശുദ്ധ സ്നാനത്തിനായി എത്തിയത്. സ്ത്രീകളും കുട്ടികളും അടക്കം ആബാലവൃദ്ധം ജനങ്ങള് ത്രിവേണി സ്നാനം നടത്തി. എന്നാല് അപ്രതീക്ഷിതമായി ത്രിവേണി സ്നാനത്തിനെത്തിയ ഒരു അതിഥി എല്ലാവരുടെയും ശ്രദ്ധ പിടിച്ച് പറ്റി. അതൊരു നായയായിരുന്നു പേര് സൊറാവര്. ഇതിനോടകം സൊറവര് നെറ്റീസണ്സിന്റെ മനം കാര്ന്നെടുത്തുകഴിഞ്ഞു.
വന്ഷ് ഛബ്രയാണ് എന്ന യുവാവാണ് സൊറാവറിന്റെ ഉടമ. സൊറാവറിന്റെ പ്രയാഗ്രാജ് യാത്ര ഒരിക്കലും നേരത്തെ പ്ലാന് ചെയ്തതല്ലെന്ന് വന്ഷ് പറയുന്നു. കുടുംബാംഗങ്ങള് മഹാകുംഭമേളയ്ക്ക് പോകാനൊരുങ്ങിയപ്പോള്. സൊറാവര് വീട്ടില് തനിച്ചായി. അങ്ങനെ പുറപ്പെടാന് നേരത്ത് അവനും കാറില് കയറുകയായിരുന്നെന്ന് വന്ഷ് ഛബ്ര പറയുന്നു. സമൂഹ മാധ്യമത്തില് വൈറലായ വീഡിയോയില് സൊറാവറിനെയും കൊണ്ട് പുണ്യ സ്നാനം ചെയ്യാനായി ഛബ്ര നദിയിലേക്ക് ഇറങ്ങുന്നത് കാണാം. നദിയില് മുങ്ങുന്നതിന് മുമ്പ് ഛബ്ര അല്പം ജലമെടുത്ത് അവന്റെ തലയില് തടവുന്നു. പിന്നാലെ സൊറാവറിനെ നദിയില് മുക്കിയെടുക്കുന്നു. സൊറാവര് കാര്യമായ അസ്വസ്ഥതകളൊന്നും പ്രകടിപ്പിക്കുന്നില്ല. വളരെ ശാന്തനായ അവന്റെ ഇരുപ്പ് സമൂഹ മാധ്യമ ഉപയോക്താക്കളെ ഏറെ ആകര്ഷിച്ചു.
വീഡിയോയുടെ രണ്ടാം ഭാഗത്ത് മഹാകുംഭമേളയ്ക്കിടയിലൂടെ നടക്കുന്ന സൊറാവറിനെ കാണാം. വഴിയില് കാണുന്നവരെല്ലാം അവനെ ലാളിക്കുന്നതും വീഡിയോയില് കാണാം. വീഡിയോ കണ്ട സമൂഹ മാധ്യമ ഉപയോക്താക്കള് ഛബ്രയെ അഭിനന്ദിച്ചു. 'ഇത് ഞാന് ഇന്ന് കണ്ട ഏറ്റവും ആരോഗ്യകരമായ കാര്യമാണ്! തീര്ച്ചയായും ദിവ്യമായ കാര്യം' ഒരു കാഴ്ചക്കാരനെഴുതി. 'അവന് നമുക്കെല്ലാവര്ക്കും മുമ്പേ മോക്ഷം നേടി' എന്നായിരുന്നു മറ്റൊരു കാഴ്ചക്കാരന് എഴുതിയത്. വീഡിയോ ഇതിനകം 75 ലക്ഷത്തിന് മേലെ ആളുകള് കണ്ടു കഴിഞ്ഞു.
