ഒരു കാലത്ത് യുവാക്കളുടെ ഹരമായി മാറി 92 അവാർഡുകൾ നേടി ബോളിവുഡിന് ഒരു സൂപ്പർഹിറ്റ് താരജോഡിയെ സമ്മാനിച്ച സിനിമയാണ് കഹോ നാ പ്യാർ ഹെ. നൃത്തപാടവം കൊണ്ടും അഭിനയ മികവ് കൊണ്ടും ഹൃതിക് റോഷനും അമീഷ പട്ടേലും തങ്ങളുടെ അരങ്ങേറ്റം ചിത്രത്തിലൂടെ പ്രേക്ഷക ഹൃദയം കീഴടക്കി.
ഹൃത്വിക് റോഷന്റെ പിതാവും ചലച്ചിത്ര നിര്മാതാവുമായ രാകേഷ് റോഷന് സംവിധാനം ചെയ്ത ഈ മ്യൂസിക്കല് റൊമാന്റിക് ത്രില്ലറിലെ ഗാനങ്ങള് ഇന്നും ഹിറ്റാണ്. ബോളിവുഡിൽ ഒരു തരംഗമായി മാറിയ സിനിമ കൂടിയായിരുന്നു ഇത്.
ഇപ്പോഴിതാ ഹൃതിക്കിനൊപ്പമുള്ള പുതിയ ചിത്രം പങ്കിട്ട് ഓർമകൾ പങ്കിടുകയാണ് അമീഷ പട്ടേൽ.
"കഴിഞ്ഞ രാത്രിയെക്കുറിച്ച് - രോഹിത്തിനൊപ്പമുള്ള സോണിയയുടെ മനോഹരമായ ഒരു സായാഹ്നം - എനിക്ക് എപ്പോഴും നീ ആദ്യം എന്റെ ഡഗ്ഗു ബ്രോസ്നൻ ആയിരിക്കും, പിന്നീടാണ് ഹൃതിക്ന് റോഷൻ എന്ന സൂപ്പർ സ്റ്റാർ ആകുന്നത്..." എന്ന ക്യാപ്ഷൻ നൽകിയാണ് താരം ഹൃതിക്കിനൊപ്പമുള്ള ചിത്രം പങ്കിട്ടിരിക്കുന്നത്.
