മിനിസ്ക്രീനിലും ബിഗ് സ്ക്രീനിലുമൊക്കെയായി സജീവമാണ് ആശ ശരത്. അഭിനയം മാത്രമല്ല മികച്ച നര്ത്തകി കൂടിയാണ് ആശ. സോഷ്യല്മീഡിയയിലൂടെയായി എല്ലാ വിശേഷങ്ങളും അവര് പങ്കുവെക്കാറുണ്ട്. ഇപ്പോഴിതാ അമ്മയുടെ പിറന്നാളിനൊരുക്കിയ സര്പ്രൈസിനെക്കുറിച്ച് പറഞ്ഞുള്ള വീഡിയോ വൈറലായിക്കൊണ്ടിരിക്കുകയാണ്.
അമ്മൂമ്മയുടെ ബര്ത്ത് ഡേയ്ക്ക് വലിയൊരു സര്പ്രൈസ് അമ്മ പ്ലാന് ചെയ്തിട്ടുണ്ട്. കലാമണ്ഡലം സുമതി എന്ന ടീച്ചറമ്മയുടെ ജന്മദിനം അക്ഷാര്ത്ഥത്തില് വലിയ ആഘോഷമാക്കി മാറ്റുകയായിരുന്നു ആശ. ബന്ധുക്കളും സുഹൃത്തുക്കളും ശിഷ്യഗണങ്ങളുമായി നിരവധി പേരായിരുന്നു ബര്ത്ത് ഡേ പാര്ട്ടിയില് പങ്കെടുക്കാനെത്തിയത്.
ഈ പ്ലാന് പൊളിക്കാന് സാധ്യതയുള്ളൊരാള് ശരത്തേട്ടനാണ്. അമ്മയ്ക്ക് ഇന്ന് എന്തോ ഒരു ഇന്റര്വ്യൂ ഉണ്ടെന്ന് പറഞ്ഞാണ് ഇങ്ങോട്ടേക്ക് കൂട്ടിക്കൊണ്ട് വരുന്നത്. അമ്മ റെഡിയായിക്കൊണ്ടിരിക്കുകയാണ്. ശരത്തേട്ടാണ് കൂട്ടാന് പോവുന്നത്. അമ്മ എത്തിയപ്പോള് ആദ്യം സ്വീകരിച്ചത് ആശയും ഉത്തരയുമായിരുന്നു. അമ്മ ഹാളിലേക്ക് കയറിയതും അവിടെയുള്ളവരെല്ലാം ഹാപ്പി ബര്ത്ത് ഡേ പാടുകയായിരുന്നു. പ്രതീക്ഷിക്കാത്ത കാര്യം നടന്നപ്പോള് അത്ഭുതമായിരുന്നു അമ്മയ്ക്ക്. പ്രിയപ്പെട്ടവരെയെല്ലാം അവിടെ കണ്ടപ്പോള് വികാരഭരിതയാവുകയായിരുന്നു.
ഒരു മാസം മുന്നേയുള്ള പ്ലാനിംഗായിരുന്നു ഇത്. ഞങ്ങളൊരു വീട്ടിലാണ് താമസിക്കുന്നത്. എന്നിട്ട് എന്നോട് ഇത് പറഞ്ഞില്ലല്ലോ. ഇങ്ങനെ പറ്റിക്കാന് പാടുണ്ടോ എന്നായിരുന്നു അമ്മയുടെ ചോദ്യം. ഇങ്ങനെയൊരാഘോഷം ഞാന് പ്രതീക്ഷിച്ചതേയില്ലെന്നും അമ്മ പ്രതികരിച്ചിരുന്നു. ഒരുമാസം മുന്നെയായി അമ്മ ഇതിന്റെ പുറകെയായിരുന്നു. ഞാനാണ് ഈ സ്ട്രാറ്റജിയുടെ പുറകില് എന്നായിരുന്നു ശരതിന്റെ പ്രതികരണം. അങ്ങനെയെങ്കില് ഞാനും ക്രെഡിറ്റ് എടുക്കാമെന്നായിരുന്നു ഉത്തരയുടെ കമന്റ്.
അമ്മയ്ക്കൊപ്പമുള്ള ചിത്രങ്ങളും വീഡിയോകളും ആശ പോസ്റ്റ് ചെയ്യാറുണ്ട്. യൂട്യൂബ് ചാനലുമായും സജീവമാണ് അവര്. സിനിമ മാത്രമല്ല ആസ്വദിച്ചാണ് നൃത്ത പരിപാടികളും ചെയ്യുന്നതെന്നും അവര് തുറന്നുപറഞ്ഞിരുന്നു. സിനിമ വിട്ടാലും നൃത്തം കൈവിടരുതെന്നായിരുന്നു പ്രിയപ്പെട്ടവര് ആശയോട് പറഞ്ഞത്. രണ്ടും ഒരുപോലെ പ്രിയപ്പെട്ടതാണെന്നായിരുന്നു ആശയുടെ നിലപാട്.
