മലയാള സിനിമയില് തിളങ്ങി നില്ക്കുന്ന ഗ്ലാമര് വില്ലനാണ് റിയാസ് ഖാന്. എന്നും മലയാള സിനിമ ഇഷ്ടത്തോടെ സ്വീകരിക്കുന്ന മസില്മാന് വില്ലന്. അല്പ്പം സീരിയസ്സ് ഇമേജോടെ മസില്മാനായി വെള്ളിത്തിരയിലെത്തിയ താരം കോമഡിയടക്കം വേറിട്ട കഥാപാത്രങ്ങള് അവതരിപ്പിച്ചാണ് പ്രേക്ഷകരുടെ മനസ്സിലിടം നേടിയത്. സോഷ്യല് മീഡിയയിലും നിറഞ്ഞു നില്ക്കുന്ന താരമാണ് റിയാസ് ഖാന്, താരത്തിന്റെ ഭാര്യയും നടിയുമായ ഉമയും സോഷ്യല് മീഡിയയിലെ താരമാണ്.
അടുത്തിടെ റിയാസ് ഖാന് സോഷ്യല് മീഡിയയില് നിറഞ്ഞത് മകന്റെ വിവാഹവുമായി ബന്ധപ്പെട്ടാണ്. താരത്തിന്റെ മൂത്തമകനായ ഷാരിഖ് കഴിഞ്ഞ വര്ഷമാണ് വിവാഹിതനായത്. ഏറെ കാലം ഷാരിഖിന്റെ സുഹൃത്തായിരുന്ന മരിയ ജെനിഫറായിരുന്നു വധു. മരിയയുടേത് രണ്ടാം വിവാഹവും ഷാരിഖിന്റേത് ആദ്യത്തേതുമാണെന്ന തരത്തില് ചര്ച്ചകളും വന്നിരുന്നു. മാത്രമല്ല ആദ്യബന്ധത്തിലെ മകളുടെ ദൃശ്യങ്ങള് കൂടി പുറത്ത് വന്നതോടെ ദമ്പതിമാരെ ചുറ്റിപ്പറ്റി പല കഥകളും പ്രചരിച്ചു. പക്ഷേ അവിടെയെല്ലാം ഭാര്യയെ ചേര്ത്ത് പിടിക്കുകയാണ് താരപുത്രന് ചെയ്തത്.
മരുമകളായ വന്ന കുട്ടിയെ കുറിച്ചും മകന്റെ ജീവിതത്തെ പറ്റിയും റിയാസ് ഖാനും ഭാര്യയും നടിയുമായ ഉമ റിയാസും തുറന്ന് സംസാരിച്ചിരുന്നു.
ഇപ്പോഴിതാ മറ്റൊരു സന്തോഷ വാര്ത്ത പങ്കിടുകയാണ് താരദമ്പതിമാര്. ഷാരിഖ് ഒരു അച്ഛനും റിയാസ് ഖാന് ഒരു മുത്തച്ഛനുമാവാന് പോകുന്നു എന്നതാണ് ആ വിശേഷം.
ഷാരിഖും ഭാര്യയും ചേര്ന്ന് ഇന്സ്റ്റാഗ്രാമിലൂടെ പങ്കുവെച്ച വീഡിയോയിലൂടെയാണ് തങ്ങളൊരു മാതാപിതാക്കളാവാന് ഒരുങ്ങുകയാണെന്ന് താരം സൂചിപ്പിച്ചത്. ‘‘ഞങ്ങളുടെ പ്രണയകഥയ്ക്ക് പുതിയൊരു അധ്യായം കൂടി ലഭിച്ചു...’’ എന്ന ക്യാപ്ഷന് നല്കിയാണ് ഷാരിഖ് വീഡിയോ പങ്കിട്ടിരിക്കുന്നത്. ശേഷം പ്രഗ്നന്റ് ആണെന്ന് കാണിക്കുകയും നിറവയറും സ്കാനിങ്ങുമടക്കം വീഡിയോയില് കാണിക്കുന്നുണ്ട്.
വീഡിയോ പുറത്ത് വന്നതോടെ താരദമ്പതിമാര്ക്ക് ആരാധകര് ആശംസകള് കുറിക്കുന്നുണ്ട് . റിയാറിയാസ് ഖാന്റെ മുഖത്ത് നോക്കി ഇനി അപ്പൂപ്പാ എന്ന് വിളിക്കാന് എങ്ങനെയാണ് സാധിക്കുന്നതെന്നും ചിലര് തമാശരൂപത്തില് കുറിക്കുന്നു.
ഏറെ കാലം പ്രണയത്തിലായിരുന്ന ഷാരിഖും മരിയയും തമ്മില് കഴിഞ്ഞ വര്ഷമാണ് വിവാഹിതരായത്. ഹിന്ദു-ക്രിസ്ത്യന് ആചാരപ്രകാരം വലിയ ആഘോഷത്തോടെയാണ് താരവിവാഹം നടത്തിയത്. എന്നാല് മരിയ നേരത്തെ വിവാഹിതയും ഒന്പത് വയസ്സുള്ള പെണ്കുട്ടിയുടെ അമ്മയുമാണെന്ന് ചൂണ്ടി കാണിച്ച് പരിഹാസങ്ങളുമായി ചിലര് എത്തി. ഇതോടെ ഷാരിഖും മരിയയും മാധ്യമങ്ങള്ക്ക് മുന്നില് വരികയും വിശദീകരണം നല്കുകയും ചെയ്തു. ‘‘കണ്ട ഉടനെ തനിക്ക് മരിയയോട് ഇഷ്ടം വന്നു. മാത്രമല്ല നിന്നെ ഞാന് സ്നേഹിക്കുന്നു എന്ന് പറയുന്നതിന് പകരം കല്യാണം കഴിക്കാന് താല്പര്യം ഉണ്ടെന്നും ജീവിതം മുഴുവന് നിന്റെ കൂടെ ആയിരിക്കാനാണ് ഇഷ്ടപ്പെടുന്നത്...’’ എന്നായിരുന്നു താരപുത്രന്റെ പ്രതികരണം. ഷാരിഖിനെ ആരായാലും സ്നേഹിച്ച് പോകുമെന്നാണ് മരിയ മുന്പൊരു അഭിമുഖത്തില് പറഞ്ഞത്. ‘‘ഷാരിഖിനെ പോലെ ഒരാളെ ഞാനല്ല വേറെ ആരാണെങ്കിലും സ്നേഹിച്ചു പോകും. കാരണം അയാള് അത്രയധികം സ്നേഹിക്കുന്ന വ്യക്തിയാണ്. അദ്ദേഹത്തിനൊപ്പം വളരെ സേഫ് ആയിരിക്കും. എല്ലാ പെണ്കുട്ടികള്ക്കും സുരക്ഷിതരായിരിക്കുക എന്നത് മാത്രമായിരിക്കും ലക്ഷ്യം. അതെല്ലാം ഒരു മനുഷ്യന്റെ അടുത്തുനിന്ന് കിട്ടുമ്പോള് നമുക്ക് പിന്നെ സംശയിക്കാന് ഒന്നുമില്ല. ഷാരിഖിന്റെ ലോകത്ത് ഞാന് മാത്രമേയുള്ളൂ...’’ എന്നാണ് മരിയ പറഞ്ഞത്.
