കൊല്ലം സുധിയുടെ ഭാര്യ എന്ന നിലയിലാണ് രേണു സുധിയെ പ്രേക്ഷകര് അറിഞ്ഞു തുടങ്ങിയത്. പിന്നീട് അകാലത്തില് കൊല്ലം സുധി വേര്പെട്ടപ്പോള് രേണു ഒരു നൊമ്പരക്കാഴ്ചയായി മാറി. പിന്നീടിങ്ങോട്ട് രേണുവിന് സുധിയുടെ പേരില് വീടു കിട്ടിയതും വിശേഷങ്ങള് പങ്കിട്ടതുമൊക്കെ ആരാധകര് ഏറ്റെടുത്തതാണ്. അടുത്തിടെയായി പക്ഷേ ചില വിമര്ശനങ്ങളിലൂടെയാണ് രേണുവിന്റെ പേര് കേള്ക്കുന്നത്.
ഇന്സ്റ്റഗ്രാം റീല്സ് പങ്കിട്ടതു വഴിയാണ് രേണുവിന്റെ പേര് വിമര്ശനങ്ങളില് നിറഞ്ഞത്. ‘ചാന്ദുപൊട്ട്’ എന്ന സിനിമയിലെ ഗാനം രേണുവും ദാസേട്ടനും ചേര്ന്ന് റിക്രിയേറ്റ് ചെയ്തത്. അതിന്റെ പേരില് ഒരുപാട് സൈബര് മീഡിയ അറ്റാക്കുകളും നെഗറ്റീവ് കമന്റുകളും വിമര്ശനങ്ങളും രേണു നേരിട്ടിരുന്നു. എന്നാലതൊന്നും വകവയ്ക്കാതെ രേണു വീണ്ടും റീലുകളില് സജീവമായി.
ഇപ്പോഴിത വീണ്ടുമൊരു പുതിയ റീലുമായി എത്തിയിരിക്കുകയാണ് രേണു സുധിയും, ദാസേട്ടന് കോഴിക്കോടും. എറണാകുളം വൈറ്റില ഹബ്ബില് വച്ച് മറ്റൊരു യുവതിക്കൊപ്പമാണ് ഇരുവരുടെയും റീല്. തെങ്കാശിപ്പട്ടണത്തിലെ ഗാനത്തിനാണ് ഇരുവരും റീലില് ഡാന്സ് കളിക്കുന്നത്. ‘‘വൈറ്റില ഹബിലെ കടമിഴിയിൽ....രേണുവും ശ്രീലക്ഷ്മിയും പിന്നെ ഞാനും...’’ എന്ന ക്യാപ്ഷനൊപ്പമാണ് രേണു റീല്സ് പങ്കിട്ടിരിക്കുന്നത്.
ഈ റീല്സിനു താഴെയും പലരും അനുകൂലിച്ചും പ്രതികൂലിച്ചും കമന്റുകള് കുറിക്കുന്നുണ്ട്. പലരും രേണുവിനെ അഭിനന്ദിക്കുന്നുണ്ട്. ‘വിമര്ശനങ്ങളെ വകവയ്ക്കാതെ സ്വന്തം വഴിയില് സഞ്ചരിക്കുന്നയാള്’ എന്നാണ് ഒരു കൂട്ടര് കുറിക്കുന്നതെങ്കില് മറ്റൊരു കൂട്ടര് ‘ഇത് എനിയും തീര്ന്നില്ലേ’ എന്നാണ് കുറിക്കുന്നത്.
കൊല്ലം സുധിയുടെ ഭാര്യയായ രേണു സുധി പങ്കിടുന്ന ഫോട്ടോകള്ക്കും വീഡിയോകള്ക്കും താഴെ വലിയ വിമർശനങ്ങള് ഉയരാറുണ്ട്. സോഷ്യല് മീഡിയ താരവുമായ ദാസേട്ടനുമായി ചേർന്നാണ് രേണു ‘ചാന്ത് പൊട്ട്’ എന്ന് സിനിമയിലെ പാട്ട് റിക്രിയേറ്റ് ചെയ്തത്. എന്നാലിതിന് എതിരെ സൈബര് അറ്റാക്കുകള് കൂടിയപ്പോള് ദാസേട്ടന് കോഴിക്കോട് മറുപടിയുമായി രംഗത്ത് എത്തിയിരുന്നു.
‘‘രേണു എന്നല്ല, ഏത് നല്ല അഭിനേത്രി വിളിച്ചാലും താൻ അഭിനയിക്കാൻ പോകുമെന്നും രേണു തനിക്ക് സഹോദരിയെപ്പോലെയാണ്...’’ ദാസേട്ടൻ കോഴിക്കോട് അഭിമുഖത്തില് പറഞ്ഞു. ‘‘ഈ വീഡിയോ ചെയ്യുന്നതിനെക്കുറിച്ചും രേണുവിനൊപ്പം അഭിനയിക്കുന്നതിനെക്കുറിച്ചും ഭാര്യയോട് നേരത്തേ തന്നെ സംസാരിച്ചിരുന്നു എന്നും ദാസേട്ടന് പറഞ്ഞു. ഭർത്താവ് മരിച്ച എത്രയോ സ്ത്രീകള് മലയാള സിനിമയില് തുടർന്നും അഭിനയിച്ചിട്ടുണ്ട്. ഭരതേട്ടൻ മരിച്ചതിനു ശേഷവും കെപിഎസി ലളിത ചേച്ചി അഭിനയിച്ചില്ലേ, മല്ലിക ചേച്ചി ഇപ്പോളും അഭിനയിക്കുന്നില്ലേ?. അവരുടെ രണ്ട് മക്കളും ഇന്ന് മലയാള സിനിമയിലെ അവിഭാജ്യ ഘടകങ്ങളല്ലേ...’’ താരം പറഞ്ഞു.
