ആന്റണി തട്ടിലിനൊപ്പം കീര്ത്തി സുരേഷ് ദത്തെടുത്ത പെറ്റ് ഡോഗ് ആണ് നൈക്ക്. ആന്റണിയുടെ അവസാനത്തെ രണ്ട് അക്ഷരും കീര്ത്തി സുരേഷിന്റെ പേരിലുള്ള ആദ്യത്തെ രണ്ടക്ഷരവും (NyKe) ചേര്ത്ത് വച്ചാണ് ആ പെറ്റ് ഡോഗിന് പേരിട്ടത്. എന്റെ കുഞ്ഞ് എന്ന് തന്നെയാണ് എല്ലായിടത്തും കീര്ത്തി നൈക്കിനെ വിശേഷിപ്പിക്കുന്നത്. കീര്ത്തി സുരേഷ് - ആന്റണി തട്ടില് വിവാഹത്തിന്റെ ഹാഷ് ടാഗും #ForTheLoveOfNyke എന്നായിരുന്നു.
എന്നിട്ടും തന്റെ കുഞ്ഞിനെ കീര്ത്തി ഇത്രയധികം കഷ്ടപ്പെടുത്തുന്നുണ്ടോ എന്നാണ് ആരാധകരുടെ ചോദ്യം. നൈക്കിന്റെ അതേ കളര് പാറ്റേണിലുള്ള ബ്ലാക്ക് ആന്റ് വൈറ്റ് ഡ്രസ്സ് ധരിച്ചപ്പോള് കീര്ത്തി സുരേഷ് തുരുതുരെ എന്ന് ഫോട്ടോകള് എടുത്തു. സെല്ഫി ചിത്രങ്ങളും അല്ലാത്തതുമൊക്കെയായി ചില ചിത്രങ്ങള് ഇന്സ്റ്റഗ്രാമില് പങ്കുവയ്ക്കുകയും ചെയ്തു.
'ഒരേ പോലെയുള്ള ഡ്രസ്സ് ധരിച്ചത് കാരണം ഞങ്ങള് വേറെ വെറേയാണ് എന്ന് ഒരാള്ക്കും കണ്ടുപിടിക്കാന് കഴിയില്ല' എന്ന് പറഞ്ഞാണ് സാധാരണ ഒരു ദിവസത്തെ ചിത്രം കീര്ത്തി തന്റെ ഇന്സ്റ്റഗ്രാമില് പങ്കുവച്ചത്. നൈക്കിനും ഒരു ഇന്സ്റ്റഗ്രാം പേജുണ്ട്. അത് ഹാന്റില് ചെയ്യുന്ന ആള് ഫോട്ടോയ്ക്ക് താഴെ കമന്റുമായി എത്തി, 'സെല്ഫി എടുക്കുന്നു എന്നതിന്റെ പേരില് കഷ്ടപ്പെടുത്തുകയാണല്ലോ' എന്നാണ് നൈക്കിന്റെ പേജില് നിന്നും വന്ന കമന്റ്. നൈക്കിന് നീതി ലഭിക്കണം എന്ന് പറഞ്ഞ് അതിനെ പിന്തുണച്ചെത്തിയ രസകരമായ കമന്റുകളും കാണാം.
വിവാഹത്തിന് ശേഷം കീര്ത്തി വലിയ ബ്രേക്ക് ഒന്നും കരിയറില് നിന്ന് എടുത്തിരുന്നില്ല. വിവാഹം കഴിഞ്ഞ് ദിവസങ്ങള്ക്കം തന്നെ പുതിയ ചിത്രമായ ബേബി ജോണിന്റെ പ്രമോഷനുകളിലെല്ലാം കീര്ത്തി സജീവമായിരുന്നു. ചിത്രീകരണം പൂര്ത്തിയാക്കിയ റിവോള്വര് റിത്ത കന്നിവേഡി എന്നീ ചിത്രങ്ങള് പ്രിപ്രൊഡക്ഷന് വര്ക്കിലാണ്. അശോക് സെല്വന് നായകനാകുന്ന ചിത്രമാണ് കീര്ത്തി അടുത്തതായി ചെയ്യുന്നത് എന്ന റിപ്പോര്ട്ടുകള് വന്നിരുന്നു. വിവാഹ ശേഷം ഏറ്റവും ആദ്യം ഏറ്റെടുത്ത ചിത്രം എന്ന നിലയില് ശ്രദ്ധ നേടിയെങ്കിലും സിനിമയെ കുറിച്ചുള്ള കൂടുതല് വിവരങ്ങളൊന്നും പുറത്തുവിട്ടിട്ടില്ല.
