കാലിന്റെ സ്പര്ശനം വരെ നഷ്ടമായി ചികിത്സിലായിരുന്നുവെന്ന് സായ് കുമാറും ബിന്ദു പണിക്കരും. പുതിയൊരു അഭിമുഖത്തിലാണ് തങ്ങളുടെ അസുഖവിവരം താരങ്ങള് തുറന്നു പറഞ്ഞിരിക്കുന്നത്. കൈപിടിക്കാതെ നടക്കാന് പറ്റാതായി. പ്രതിവിധിയില്ലെന്ന് പലരും പറഞ്ഞെങ്കിലും ഇപ്പോള് കൃത്യമായി ചികിത്സ ലഭിച്ചതോടെ നടക്കാന് പറ്റുന്നുണ്ട് എന്നാണ് താരങ്ങള് പറയുന്നത്.
നടക്കാനുള്ള ബുദ്ധിമുട്ടായാണ് ചികിത്സ തേടിയത്. ഒരുപാട് സ്ഥലങ്ങളില് ചികിത്സ തേടി മടുത്തിരിക്കുന്ന സമയത്താണ് ശില സന്തോഷ് ഒരു സ്ഥലത്തെ കുറിച്ച് പറയുന്നത്. നേരത്തെ രണ്ട് പേര് പിടിച്ചാലെ നിക്കാന് പറ്റുമായിരുന്നുള്ളൂ. ഇപ്പോള് തനിച്ച് നടക്കാം. അതുതന്നെ വലിയ ഭാഗ്യം. ആറ് വര്ഷത്തിന് മുകളിലായി ഞങ്ങള്ക്ക് ഈ അസുഖം തുടങ്ങിയിട്ട്. ഇങ്ങനെ വച്ചോണ്ടിരിക്കയായിരുന്നു.
പലടത്തും പലരെയും പോയി കണ്ടു. അപ്പോഴൊന്നും ഇത് എന്താണ് സംഭവമെന്ന് ആരും പറയുന്നില്ല. ബ്ലെഡിന്റെ റീ സൈക്കിളിംഗ് കുറവാണ് എന്നായിരുന്നു എല്ലാവരും പറഞ്ഞത്. അതിനൊരു പ്രതിവിധി ഇല്ലേ. അതില്ല. കുറച്ച് ഗുളിക തരും അത് കഴിക്കും. യാതൊരു കുറവുമില്ല. തന്നതെല്ലാം ആന്റിബയോട്ടിക് ആയിരുന്നു. പിന്നീട് അതങ്ങ് നിര്ത്തി.
വേദനയോട് പൊരുത്തപ്പെട്ടു. ഞങ്ങള് കൈപിടിച്ചായിരുന്നു നടന്നോണ്ടിരുന്നത്. ആദ്യമൊക്കെ വിടുമായിരുന്നു. പിന്നീട് കൈപിടിക്കാതെ നടക്കാന് പറ്റാതായി. ഇപ്പോള് ഒരുപാട് വ്യത്യാസം വന്നു. കാലില് തൊടുന്നത് പോലും തിരിച്ചറിയാന് പറ്റാത്ത അവസ്ഥ ആയിരുന്നു എന്നാണ് സായ് കുമാര് പറയുന്നത്.
ഇത് മാത്രമല്ല കിഡ്നിക്കും പ്രശ്നമുണ്ട് എന്നും സായ് കുമാറും ബിന്ദു പണിക്കരും പറയുന്നുണ്ട്. അത് തിരിച്ചറിഞ്ഞിരുന്നില്ല. അസുഖത്തിന്റെ തങ്ങള് ഒത്തൊരുമയാണ് എന്നുമാണ് സായ് കുമാറും ബിന്ദു പണിക്കരും ഒരു യുട്യൂബ് ചാനലിന് നല്കിയ അഭിമുഖത്തില് പറഞ്ഞിരിക്കുന്നത്.
