അഭിലാഷ് പിളള തിരക്കഥ ഒരുക്കുന്ന ചിത്രമായ സുമതി വളവിന്റെ ഷൂട്ടിംഗ് പൂര്ത്തിയായി. ലൊക്കേഷനില് നിന്നുളള ചിത്രങ്ങള് പങ്കുവെച്ചുകൊണ്ട് അഭിലാഷ് പിളളയാണ് ഇക്കാര്യം അറിയിച്ചത്. വര്ഷങ്ങള് നീണ്ട കാത്തിരിപ്പാണ് അവസാനിച്ചതെന്ന് അഭിലാഷ് പോസ്റ്റില് പറയുന്നു.
ആറ് വര്ഷത്തെ കാത്തിരിപ്പ് , എട്ട് മാസത്തെ തയാറെടുപ്പ്, 84 ദിവസത്തെ ഷൂട്ടിംഗ്, സുമതി വളവിന്റെ അവസാന ടേക്കിന് വിഷ്ണു കട്ട് പറഞ്ഞപ്പോള് മനസ്സില് കൂടി ആദ്യം മിന്നി മാഞ്ഞ ദൃശ്യം നമ്മളെയൊക്കെ വെച്ച് ആര് ഇത്രയും പൈസ മുടക്കും ചേട്ടാ എന്ന് സുമതി വളവിന്റെ കഥ കേട്ട് കഴിഞ്ഞ് അര്ജുന് എന്നോട് ചോദിച്ച ചോദ്യമാണ്. അന്ന് എനിക്ക് അതിനുത്തരം ഇല്ലായിരുന്നു. എന്നാല് ഇന്ന് എനിക്ക് അവനോട് പറയാന് ഉത്തരമുണ്ട്. വലിയ മുടക്കില് തന്നെ നമ്മള് നമ്മുടെ സിനിമ പൂര്ത്തിയാക്കിയെന്ന്.
നന്ദി പറയാനുളളത് ദൈവത്തിനോടും പ്രൊഡ്യൂസര് മുരളി ചേട്ടനോടുമാണ്. കാരണം നിങ്ങള് രണ്ട് പേരും കൂടെ നിന്നത് കൊണ്ടാണ് ഞങ്ജള്ക്ക് ഈ സ്വപ്നം സാധിക്കാന് കഴിഞ്ഞത്. ഇനി പ്രേക്ഷകരോടുളള ഞങ്ങളുടെ ഉത്തരവാദിത്വമാണ് ഏറ്റവും മികച്ച രീതിയില് മെയ് 8 ന് സിനിമ തിയേറ്ററില് എത്തിക്കുക എന്നുളളത്. അതിനുളള പോസ്റ്റ് പ്രൊഡക്ഷന് ജോലികള് ആരംഭിച്ചു കഴിഞ്ഞു. ഒപ്പം നിന്ന സുമതി വളവ് കുടുംബത്തിലെ ഓമരാ അംഗങ്ങളോടും നന്ദി അറിയിക്കുന്നു -അഭിലാഷ് പിളള കുറിച്ചു.
വിഷ്ണു ശശിശങ്കറിന്റെ സംവിധാനത്തിലൊരുങ്ങുന്ന ചിത്രം മെയ് എട്ടിനാണ് തിയേറ്ററുകളിലെത്തുന്നത്. ബിഗ്ബജറ്റില് നിര്മിച്ച സുമതി വളവില് അര്ജുന് അശോകന്, ബാലു വര്ഗീസ്, ഗോകുല് സുരേഷ്, സൈജു കുറുപ്പ്, സിദ്ധാര്ത്ഥ് ഭരതന് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു.
