തിരുവനന്തപുരം: രാജ്യാന്തര വിമാനത്താവളത്തിലെ എമിഗ്രേഷന് വിഭാഗം ഐബി ഉദ്യോഗസ്ഥ ട്രെയിന് തട്ടി മരിച്ച സംഭവത്തില് ദുരൂഹതയേറുന്നു. മരണത്തിന് തൊട്ടുമുമ്പ് വരെ ഫോണില് സംസാരിക്കുകയായിരുന്ന മേഘയുടെ അവസാന കോള് സംബന്ധിച്ച പരിശോധനയിലാണ് പോലീസ്. അവസാന നിമിഷം ഇവര് ആരോടാണ് സംസാരിച്ചതെന്ന പരിശോധനയിലാണ് പോലീസ്.
മരണം സംഭവിക്കുന്ന തലേ ദിവസം നൈറ്റ് ഡ്യൂട്ടി കഴിഞ്ഞ് വിമാനത്താവളത്തില് നിന്ന് ഇറങ്ങിയതായിരുന്നു മേഘ. തിരുവനന്തപുരത്തേക്ക് വരികയായിരുന്ന ജയന്തി ജനത എക്സ്പ്രസാണ് ഇടിച്ചത്. ഫോണില് സംസാരിച്ച് ട്രാക്കിലൂടെ നടക്കുകയായിരുന്ന മേഘ ട്രെയിന് വരുന്നത് കണ്ട് പെട്ടെന്ന് ട്രാക്കിനു കുറകെ തലവച്ച് കിടക്കുകയായിരുന്നു എന്നാണ് ലോക്കാ പൈലറ്റ് നല്കിയ വിവരം.
സൈബര് വിംഗിന്റെ സഹായത്തോടെ മേഘയുടെ ഫോണ്വിളിയുമായി ബന്ധപ്പെട്ട വിവരങ്ങള് ശേഖരിക്കാനാണ് പോലീസ് നീക്കം. മേഘയുടെ മൊബൈല് ഫോണ് പൂര്ണമായും തകര്ന്നിരുന്നു. ഫൊറന്സിക് സയന്സ് കോഴ്സ് പൂര്ത്തിയാക്കിയ മേഘ ഒരു വര്ഷം മുന്പാണ് എമിഗ്രേഷന് ഐബിയില് ജോലിയില് പ്രവേശിച്ചത്. ഇന്നലെ പേട്ടയില് വെച്ചായിരുന്നു റിട്ട.ഗവ.ഐ.ടി.ഐ പ്രിന്സിപ്പല് മധുസൂദനന്റെയും പാലക്കാട് കലക്ടറേറ്റ് ജീവനക്കാരി നിഷയുടെയും ഏക മകള് മേഘയെ മരിച്ച നിലയില് കണ്ടെത്തിയത്.
പേട്ടയ്ക്കും ചാക്കയ്ക്കും ഇടയിലെ ട്രാക്കില് ഇന്നലെ രാവിലെ 9.15നാണ് മൃതദേഹം കണ്ടത്. ബ്യുറോ ഓഫ് സിവില് ഏവിയേഷന്റെ ഐ.ഡി കാര്ഡ് കണ്ടത്തിയതിനെ തുടര്ന്നാണ് ആളെ തിരിച്ചറിഞ്ഞത്. മെഡിക്കല് കോളജ് ആശുപത്രിയില് പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് കൈമാറി. കാരയ്ക്കാക്കുഴി ക്ഷേത്രത്തിലെ ഉത്സവത്തില് പങ്കെടുക്കാന് ഒരു മാസം മുന്പ് മേഘ നാട്ടില് എത്തിയിരുന്നു.
