ന്യൂഡല്ഹി: വഖഫ് ഭേദഗതി ബില്ലില് പ്രതിപക്ഷത്തിന് പ്രതിഷേധിക്കുകയല്ലാതെ മറ്റൊന്നും ചെയ്യനില്ലെന്നും എന്നാല് രാജ്യത്തിനും പൗരന്മാര്ക്കും ഗുണകരമായ കാര്യം എന്താണോ അത് ചെയ്യുമെന്നും കേന്ദ്രമന്ത്രി സുരേഷ്ഗോപി.
മോഹന്ലാല് - പൃഥ്വിരാജ് ചിത്രം എമ്പുരാനെ തുടര്ന്നുണ്ടായ വിവാദങ്ങളില് എല്ലാം കച്ചവടം എന്നായിരുന്നു സുരേഷ്ഗോപിയുടെ പ്രതികരണം. ആളെ ഇളക്കി വിട്ട് പണം ഉണ്ടാക്കുകയാണെന്നതാണ് ഇതിന്റെ പിന്നില്ലെന്നും പറഞ്ഞു. കഴിഞ്ഞ ദിവസം എമ്പുരാന് സിനിമയെ കുറിച്ചുള്ള ചോദ്യത്തിന് 'നല്ല കാര്യങ്ങള് സംസാരിക്കൂ' എന്നായിരുന്നു മന്ത്രിയുടെ പ്രതികരണം.
അതേസമയം വഖഫ് നിയമ ഭേദഗതി ബില്ലിനെ എതിര്ക്കുക തന്നെ ചെയ്യുമെന്നാണ് കോണ്ഗ്രസ് നിലപാട്. പ്രതിപക്ഷ നിര്ദ്ദേശങ്ങള് പാടേ അവഗണിച്ചാണ് ബില് കൊണ്ടുവരുന്നതെന്ന് പ്രമോദ് തിവാരി എം പി പ്രതികരിച്ചു. സംയുക്ത പാര്ലമെന്ററി സമിതി ഏകപക്ഷീയമായി കാര്യങ്ങള് തീരുമാനിക്കുകയാണെന്നും അദ്ദേഹം പറഞ്ഞു. ബില്ലിനെ എതിര്ക്കുമെന്ന് സമാജ് വാദി പാര്ട്ടിയും വ്യക്തമാക്കി.
