‘എമ്പുരാന്’ സിനിമ മിസ് ചെയ്യരുതെന്നും മസ്റ്റ് വാച്ച് ആണെന്നും നടന് റഹ്മാന്. ചെന്നൈയില് ചിത്രം കണ്ട ശേഷം റഹ്മാന് സോഷ്യല് മീഡിയയില് കുറിച്ച വാക്കുകളാണ് ശ്രദ്ധ നേടുന്നത്. ഗംഭീരമാണ് ചിത്രത്തിന്റെ സ്റ്റോറിലൈന്, എടുത്തുപറയേണ്ടത് പൃഥ്വിരാജ് എന്ന സംവിധായകന്റെ മികവാണ്. മുരളി ഗോപിക്ക് ഒരു വലിയ കൈയ്യടി. ആവേശം പകരുന്ന സിനിമ എന്നാണ് റഹ്മാന് പറയുന്നത്.
‘എല്ലാവര്ക്കും ഈദ് ആശംസകള്. ഞാന് എമ്പുരാന് കണ്ട് ഇറങ്ങിയതേ ഉള്ളൂ. അത് നല്കിയ അനുഭവത്തില് നിന്ന് ഇപ്പോഴും മുക്തനായിട്ടില്ല. ഗംഭീരമാണ് ചിത്രത്തിന്റെ സ്റ്റോറിലൈന്. ചിന്തിപ്പിക്കുന്നതും അതേസമയം എന്ഗേജ് ചെയ്യിപ്പിക്കുന്നതുമാണ് ഇതിന്റെ തിരക്കഥ. രചയിതാവ് മുരളി ഗോപിക്ക് ഒരു വലിയ കൈയ്യടി.
മോഹന്ലാല്, മഞ്ജു വാര്യര്, ടൊവിനോ തോമസ്, ഇന്ദ്രജിത്ത്, പൃഥ്വിരാജ്, സുരാജ് വെഞ്ഞാറമൂട് തുടങ്ങിയ അഭിനേതാക്കള് അതിഗംഭീര പ്രകടനങ്ങളാണ് നടത്തിയിരിക്കുന്നത്. ചെയ്യുന്ന ഓരോ റോളിലും ആശ്ചര്യപ്പെടുത്തുന്ന മോഹന്ലാലിനെ കുറിച്ച് ഞാന് എന്ത് പറയാനാണ്? എടുത്തുപറയേണ്ടത് പൃഥ്വിരാജ് എന്ന സംവിധായകന്റെ മികവാണ്.
കഥയെയും കഥാപാത്രങ്ങളെയുമൊക്കെ ചേര്ത്ത് വിഷ്വലി ഗംഭീരവും ശക്തവുമായ ഒരു സിനിമാറ്റിക് എക്സിപീരിയന്സ് സൃഷ്ടിച്ചിരിക്കുകയാണ് അദ്ദേഹം. ഒരു നടന് എന്ന നിലയില് നമ്മുടെ സിനിമ അന്തര്ദേശീയ തലത്തില് തിളങ്ങുന്നത് കാണുന്നത് ആവേശം പകരുന്നു. നമ്മള് എല്ലാവരെ സംബന്ധിച്ചും അഭിമാന മുഹൂര്ത്തമാണ് ഇത്. ഈ ചിത്രം ആരും കാണാതെ പോകരുത്. തീര്ച്ചയായും കണ്ടിരിക്കേണ്ടതാണ് ഇത്.’ -റഹ്മാന് പറഞ്ഞു. ആന്റണി പെരുമ്പാവൂര്, ഗോകുലം ഗോപാലന് എന്നിവര് ഉള്പ്പെടെയുള്ളചിത്രത്തിന്റെ നിര്മ്മാതാക്കളേയും റഹ്മാന് തന്റെ പോസ്റ്റില് അഭിനന്ദിച്ചു.
