പനാജി: തീരദേശ നഗരമായ ഗോവയിലെ പ്രശസ്തമായ ഷിര്ഗാവ് ക്ഷേത്രത്തില് ഇന്നലെ രാത്രി ഉണ്ടായ തിക്കിലും തിരക്കിലും ആറ് പേര് മരിക്കുകയും ഏകദേശം 80 ലേറെ പേര്ക്ക് പരിക്കേല്ക്കുകയും ചെയ്തു. ഭക്തര് വാര്ഷിക ഘോഷയാത്രയില് പങ്കെടുക്കുന്നതിനിടെ വൈദ്യൂതാഘാതം ഉണ്ടായതായുള്ള പ്രചരണത്തില് പെട്ടെന്ന് ജനക്കൂട്ടം പരിഭ്രാന്തരാകുകയും തിക്കുംതിരക്കും അനുഭവപ്പെടുകയുമായിരുന്നു.
പരിക്കേറ്റവര് ഗോവ മെഡിക്കല് കോളേജിലും നോര്ത്ത് ഗോവ ജില്ലാ ആശുപത്രിയിലും ചികിത്സയിലാണെന്ന് അധികൃതര് പറഞ്ഞു. ഈ രണ്ട് ആശുപത്രികളിലും കൂടുതല് ഡോക്ടര്മാരുടെ സംഘങ്ങളെ വിന്യസിച്ചിട്ടുണ്ട്. മുഖ്യമന്ത്രി പ്രമോദ് സാവന്ത് ആശുപത്രിയില് പരിക്കേറ്റവരെ സന്ദര്ശിക്കുകയും സ്ഥിതിഗതികള് നിരീക്ഷിക്കുകയും ചെയ്യുന്നുണ്ട്. പെട്ടെന്ന് ഉണ്ടായ വൈദ്യുതാഘാതമാണ് ജനക്കൂട്ടത്തില് പരിഭ്രാന്തി സൃഷ്ടിച്ചതെന്നാണ് വിവരം. എന്നാല് കൃത്യമായ കാരണം ഇതുവരെ അറിവായിട്ടില്ല.
പുലര്ച്ചെ 4-4:30 ഓടെ, ജനക്കൂട്ടത്തിനിടയില് പെട്ടെന്ന് ഒരു തിരക്ക് കണ്ടു. ദൃക്സാക്ഷികള് വിവരിച്ചതുപോലെ, ഭക്തര് രക്ഷപ്പെടാന് തിക്കിത്തിരക്കിയതോടെ പരിഭ്രാന്തിയും കുഴപ്പങ്ങളും ഉണ്ടായി. പ്രാഥമിക റിപ്പോര്ട്ടുകള് സൂചിപ്പിക്കുന്നത് അമിതമായ തിരക്കും ജനക്കൂട്ട നിയന്ത്രണ നടപടികളുടെ അഭാവവുമാണ് തിരക്കിന് കാരണമായത് എന്നാണ്.
ഏപ്രില് അല്ലെങ്കില് മെയ് മാസങ്ങളില് നടക്കുന്ന ലൈരായ് ദേവിയുടെയും ഘോഷയാത്രയില് പങ്കെടുക്കാന് ക്ഷേത്രം ഭക്തരാല് നിറഞ്ഞിരുന്നു. പാര്വതി ദേവിയുടെ അവതാരമാണെന്ന് വിശ്വസിക്കപ്പെടുന്ന ലൈരായ്, ഗോവന് നാടോടിക്കഥകളിലെ ഏഴ് സഹോദരി ദേവതകളില് ഒന്നാണ്. ഗോവ, മഹാരാഷ്ട്ര, കര്ണാടക എന്നിവിടങ്ങളില് നിന്നുള്ള നിരവധി ഭക്തരെ ഉത്സവത്തിലേക്ക് ആകര്ഷിക്കുന്നു.
അര്ദ്ധരാത്രിയിലെ ദൃശ്യങ്ങളില്, ക്ഷേത്രത്തിലെ ഒരു വലിയ തീയുടെ ചുറ്റും ഒരു കൂട്ടം ഭക്തര് ഒത്തുകൂടിയത് കാണിച്ചു. തീയുടെ ചുറ്റും ഇരുന്ന് ആശംസകള് അര്പ്പിക്കുന്ന ഒരു ആചാരമാണിത്. ഈ ആചാരത്തില് പങ്കെടുത്താല് തങ്ങളുടെ ആഗ്രഹങ്ങള് സഫലമാകുമെന്ന് ഭക്തര് വിശ്വസിക്കുന്നു. ചിലര് 'അഗ്നിദിവ്യ' എന്ന ആചാരത്തിനായി തീക്കനലില് നടക്കുന്നു. എന്നാല് തിക്കിലും തിരക്കിലും പെട്ടന്ന് ആളുകള് പങ്കെടുത്തിരുന്നോ എന്ന് അറിയില്ല.
ഡെപ്യൂട്ടി സൂപ്രണ്ട് ഓഫ് പോലീസ് (ഡിഎസ്പി) തലത്തിലുള്ള ഉദ്യോഗസ്ഥന് ഉള്പ്പെടെ ആയിരത്തിലധികം പോലീസ് ഉദ്യോഗസ്ഥരെ ക്ഷേത്രത്തില് വിന്യസിച്ചു. ഡസന് കണക്കിന് മറ്റ് മുതിര്ന്ന ഉദ്യോഗസ്ഥരും നൂറുകണക്കിന് കോണ്സ്റ്റബിള്മാരും വനിതാ പോലീസുകാരും സുരക്ഷാ ഘടനയുടെ ഭാഗമായിരുന്നു. പോക്കറ്റടി തടയാന് നിരവധി ഉദ്യോഗസ്ഥര് സിവിലിയന് വേഷത്തിലായിരുന്നു. ഗോവ റിസര്വ് പോലീസ് സേനയും സ്ഥലത്തുണ്ടായിരുന്നു. സുഗമമായ ഗതാഗതം ഉറപ്പാക്കാന് 300-ലധികം ട്രാഫിക് പോലീസ് ഉദ്യോഗസ്ഥരെ വിന്യസിച്ചു. ജനക്കൂട്ടത്തെ നിരീക്ഷിക്കാന് പോലീസ് ഡ്രോണ് നിരീക്ഷണം നടത്തി. ഒരു വജ്ര വാന് അഥവാ കലാപ നിയന്ത്രണ വാഹനവും സജ്ജമായിരുന്നു.
