ലണ്ടന്: അലെസ്റ്റര് കുക്ക് ഇംഗ്ലണ്ട് ടെസ്റ്റ് ടീം ക്യാപ്റ്റന് സ്ഥാനത്തുനിന്നും രാജിവെച്ചു. ഇന്ത്യയ്ക്കെതിരെ ടെസ്റ്റ് പരമ്പര തോറ്റതിന് പിന്നാലെ കുക്കിന്റെ രാജിക്കായി ഇംഗ്ലണ്ടില് മുറവിളികള് ഉയര്ന്നിരുന്നു. 59 ടെസ്റ്റുകളിലൂടെ ഇംണ്ടിനായി ഏറ്റവും അധികം നായകസ്ഥാനം വഹിച്ച ക്യാപ്റ്റനായി റെക്കോഡിട്ട ശേഷമാണ് കുക്ക് അരങ്ങൊഴിയുന്നത്.
2012ലാണ് കുക്ക് ടെസ്റ്റില് ഇംഗ്ലണ്ടിനായി ക്യാപ്റ്റന് സ്ഥാനം ഏറ്റെടുത്തത്. 2013, 2015 ലും ഇംഗ്ലണ്ടില് നടന്ന ആഷ്സ് പരമ്പരയില് ടീമിനെ വിജയത്തിലേക്ക് നയിച്ച കുക്ക് ഇന്ത്യയ്ക്കെതിരെയും ദക്ഷിണാഫ്രിക്കയ്ക്കെതിരെയും പരമ്പര വിജയം സ്വന്തമാക്കി.
ഇംഗ്ലണ്ടിനായി 140 ടെസ്റ്റുകള് കളിച്ച കുക്ക് 253 ഇന്നിംഗ്സുകളില് നിന്നായി 11,057 റണ്സും സ്വന്തമാക്കിയിട്ടുണ്ട്. 30 സെഞ്ച്വറികളും, 53 അര്ധ സെഞ്ച്വറികളും സ്വന്തമാക്കിയിട്ടുണ്ട്. 92 ഏകദിനങ്ങളിലും നാല് ട്വന്റി20 മത്സരങ്ങളിലും അദ്ദേഹം കളിച്ചിട്ടുണ്ട്.
ഇംഗ്ലണ്ടിന്റെ ക്യാപ്റ്റനായി എന്നത് എന്നെ സംബന്ധിച്ച് വലിയ ബഹുമതിയാണെന്നും അഞ്ചു വര്ഷത്തോളം ടീമിനെ നയിക്കാനായതും ഭാഗ്യമായി താന് കാണുന്നെന്നുമായിരുന്നു കുക്കിന്റെ പ്രതികരണം.
ജോ റൂട്ടായിരിക്കും ഇംണ്ടിന്റെ അടുത്ത ടെസ്റ്റ ടീം ക്യാപ്റ്റന്. ക്യാപ്റ്റന് സ്ഥാനത്തില്ലെങ്കിലും ഇംഗ്ലണ്ടിന്റെ ഓപ്പണിങ് ബാസ്റ്റ്മാനായി താരം ടീമിനൊപ്പമുണ്ടായിരിക്കും.
