യുനൈറ്റഡ് കിംഗ്ഡം ഓഫ് കേരള എന്ന ചിത്രത്തിലൂടെയായി ഒരു പുതുമുഖ നായിക കൂടി അരങ്ങേറ്റം കുറിക്കുകയാണ്. തന്റെ പോസ്റ്റര് കണ്ട് കണ്ണീരോടെ നില്ക്കുന്ന സാരംഗിയെക്കുറിച്ചായിരുന്നു സംവിധായകനായ അരുണ് വൈഗ വാചാലനായത്.
സിനിമ സ്വപ്നം കാണുന്ന ഒരുപാട് കലാകാരന്മാർ നമ്മുടെ നാട്ടിലുണ്ട്. വെയിലും മഴയും ഒന്നും മൈൻഡ് ചെയ്യാതെ ഒരുപാട് ആളുകൾ പല ഓഡിഷനുകൾ റോഡിൽ ക്യൂ നിൽക്കുന്നത് കണ്ടു വളരെ വിഷമം തോന്നിയിട്ടുണ്ട്. നിങ്ങൾ ഒരുപാട് ആഗ്രഹിക്കൂ. നിങ്ങൾ ഒരുപാട് കഷ്ടപ്പെടൂ. പ്രാർത്ഥിക്കൂ. സിനിമ എല്ലാത്തിനും ഒരു സമ്മാനം നിങ്ങൾക്ക് തിരികെ തരും.
ഈ പോസ്റ്റർ കണ്ടപ്പോൾ സാരംഗിയുടെ മനസ്സിലും ഇതുപോലുള്ള ഒരുപാട് ഓർമ്മകൾ, ആഗ്രഹങ്ങൾ ഒക്കെ ഒരു നിമിഷത്തെക്ക് കടന്നു പോയിട്ടുണ്ടാകാം. സാരംഗി ഒരുപാട് സ്ഥലത്ത് ഓഡിഷൻ പോയിട്ടുണ്ടാവാം പലസ്ഥലത്തും അവഗണനകൾ കിട്ടിയിട്ടുണ്ടാകും പലസ്ഥലത്തും അടുത്തെത്തിയിട്ട് ഇല്ലാതെ പോയിട്ടുണ്ടാവും “പക്ഷേ ഒരു ദിവസം” ആ കണ്ണീര് ഞങ്ങളോട് അത് പറയുന്നുണ്ട്.
വലിയ താരങ്ങൾ ഇല്ലാതെ പുതുമുഖങ്ങളെ വെച്ച് സിനിമ ചെയ്യുമ്പോൾ സംവിധായകന്റെയും നിർമ്മാതാവിന്റെയും മനസ്സിൽ വലിയ ഭയം ഉണ്ട്. ഒരുപാട് വിഷമങ്ങളുണ്ട്, തിയേറ്ററിൽ സിനിമ കാണാൻ ആളുകൾ വരുമോ എന്നുള്ളത്. ഇപ്പോ ഞാൻ അത് നന്നായി അനുഭവിക്കുന്നുണ്ട്. പക്ഷേ സാരംഗിയെ പോലുള്ള ഒരുപാട് കുട്ടികൾ. അവരുടെ മുഖത്ത് കാണുന്ന ഈ സന്തോഷം അത് ഇനിയും സംഭവിച്ചു കൊണ്ടിരിക്കും. എന്റെ മൂന്നു സിനിമകളിലും ഏറ്റവും കൂടുതൽ അഭിനയിച്ചത് പുതുമുഖങ്ങളാണ് കാരണം ഇതുപോലൊരു പോസ്റ്റർ ഞാനും ഒരുപാട് ആഗ്രഹിച്ചിട്ടുണ്ട്.
തലമുറകൾ മാറി വരണം അതെല്ലാ കാലഘട്ടത്തും ഉണ്ടായിട്ടുണ്ട് അതിനെ നിലനിൽപ്പുള്ളൂ. ഇനിയും മുൻപോട്ട് സിനിമകൾ ചെയ്യാൻ എനിക്ക് സാധിച്ചാൽ തീർച്ചയായിട്ടും കുറഞ്ഞത് അഞ്ച് പേരെങ്കിലും എന്റെ സിനിമയിൽ പുതുമുഖങ്ങൾ ഉണ്ടാകും. അതിനായി ഈശ്വരന്റെ അനുഗ്രഹവും പ്രേക്ഷകരുടെ പിന്തുണയും എന്നും ഉണ്ടാവട്ടെ എന്ന് ഞാൻ അതിയായി ആഗ്രഹിക്കുന്നു പ്രാർത്ഥിക്കുന്നു. സാരംഗിക്കും ഈ സിനിമയിൽ അഭിനയിച്ച മറ്റു കുട്ടികൾക്കും നിറഞ്ഞ സ്നേഹത്തോടെ ആശംസകൾ എന്നുമായിരുന്നു കുറിപ്പ്.
മെട്രോ പില്ലറിന് താഴെയായി എന്നും സ്വന്തം മുഖം കാണാന് കഴിയില്ല. കാത്തിരിപ്പിനൊടുവില് എന്റെ ആ സ്വപ്നം സഫലമായിരിക്കുന്നു. യെസ്, അത് സംഭവിച്ചിരിക്കുകയാണ്. സന്തോഷക്കണ്ണീരോടെയായിരുന്നു സാരംഗി തന്റെ സിനിമാപോസ്റ്ററിനെക്കുറിച്ച് വാചാലയായത്. സാരംഗിയുടെ കുറിപ്പും ഇതിനകം വൈറലായിക്കഴിഞ്ഞിട്ടുണ്ട്.
