നിലമ്പൂർ തിരഞ്ഞെടുപ്പിൽ എൽഡിഎഫിന്റെ ശക്തനായ സ്ഥാനാർത്ഥിയാണ് എം സ്വരാജെന്ന് കെ കെ ശൈലജ. മുഖ്യമന്ത്രിയുടെ പരിപാടിയിൽ വലിയ ജനപിന്തുണ ഉണ്ടായിരുന്നു. അൻവർ ഒരു ഭീഷണിയല്ല.സ്വരാജിന് അനുകൂലമായി കക്ഷി രാഷ്ട്രീയ ഭേദമെന്യേ വലിയ മുന്നേറ്റമുണ്ട്.
ആശുപത്രികളും റോഡുകളും ജനങ്ങൾ കാണുന്നുണ്ട്.വലിയ ഭൂരിപക്ഷത്തിൽ സ്വരാജ് വിജയിക്കും.നവ കേരള സദസ്സുമായി ബന്ധപ്പെട്ട അൻവറിന്റെ ആരോപണത്തിൽ ഭയമില്ല. കൃത്യമായ കണക്കുകളോടെ സർക്കാർ നടത്തിയ പരിപാടിയാണ്. തെളിവുകൾ ഉണ്ടെങ്കിൽ ഹാജരാക്കട്ടെയെന്നും ശൈലജ പറഞ്ഞു.
മഹാരാഷ്ട്രയ്ക്ക് വിദേശ ഫണ്ട് വാങ്ങാൻ അനുമതി നൽകിയതിൽ ബിജെപി സ്വജനപക്ഷപാതം കാണിക്കുന്നു. കടുത്ത വിവേചനമാണ് കേന്ദ്രം കാണിക്കുന്നത്. സംസ്ഥാനങ്ങളെ ദുർബലം ആക്കിക്കൊണ്ട് കേന്ദ്രസർക്കാറിന് നിലനിൽക്കാനാവില്ല. പ്രളയ സമയത്ത് കേന്ദ്രം സഹായം ചെയ്തില്ല. സഹായത്തിന് എത്തിയ നേവി ഹെലികോപ്റ്റർ പോലും പണം ചോദിച്ചു.
